Манчаары киинигэр – “Көмүс мас” түһүлгэ

Олунньу ыйтан ковид дьаҥыттан хааччахтааһын арыый сымнаан, спортивнай күрэхтэһиилэр сөргүтүллэн эрэллэр. Ол курдук, Манчаары аатынан спорт национальнай көрүҥнэригэр киин (дириэктэр Г.М. Мохначевскай), Саха Республикатын мас-рестлиҥҥэ федерацията (президент Г.А. Васильев), Дьокуускай куорат физическэй култуураҕа уонна спорка управлениета (начаалынньык К.С. Бурцев) көҕүлээһиннэринэн, олунньу 5-7 күннэригэр «Модун» спортивнай комплекска мас-рестлиҥҥэ «Көмүс мас» диэн Дьокуускай куорат аһаҕас чемпионата ыытыллар.

Күрэхтэһии эр дьоҥҥо аҕыс уонна бэтэрээннэргэ түөрт ыйааһыҥҥа буолар. Кыттааччылар медицинскэй көрүүнү ааспыт, ковидтан ыспыраапкалаах буолуохтаахтар. Хас ыйааһын ахсын эр дьоҥҥо – уон алталыы, бэтэрээннэргэ – аҕыстыы спортсмен ыҥырыы быһыытынан кыттар.

Билиҥҥи балаһыанньаҕа олоҕуран, финаллар иккис күҥҥэ буолбакка, бастакы уонна иккис күннэргэ ыйаһыннарынан араарыллан ыытыллыахтара. Кыайыылаахтар уонна иккис-үһүс миэстэлэри ылбыттар – мэтээллэринэн, грамотанан уонна анал бириистэринэн наҕараадаланаллар.

Санатан эттэххэ, күрэхтэһии көрөөччүтэ суох ыытыллар.

Олунньу 5 күнэ, бээтинсэ

14:00-17:00 Мандатнай комиссия үлэтэ. Күрэхтэһии кыттыылаахтарын ыйааһыннааһын уонна сэрэбиэй.

17:00-17:30 Хамаандалар бэрэстэбиитэллэрэ кыттыылаах судьуйалыыр коллегия сүбэ мунньаҕа.

Олунньу 6 күнэ, субуота

10:00-13:00 Барыллааһын күрэхтэһии (эр дьон 60, 70, 105 кг, бэтэрээннэр 65, 85 кг)

13:00-14:00 Күнүскү аһылык.

14:00-14:30 Күрэхтэһиини үөрүүлээхтик аһыы.

14:30-17:30 Барыллааһын уонна быһаарыылаах киирсиилэр (эр дьон 60, 70, 105 кг, бэтэрээннэр 65, 85 кг).

17:30-18:00 Кыайыылаахтары наҕараадалааһын.

Олунньу 7 күнэ, баскыһыанньа

10:00-13:00 Барыллааһын күрэхтэһии (эр дьон 65, 75, 90, 105-тэн үөһэ кг, бэтэрээннэр 75, 85-тэн үөһэ кг)

17:00-18:00 Кыайыылаахтары наҕараадалааһын.

“Дьулурҕан”.  

Добавить комментарий

Ваш адрес email не будет опубликован. Обязательные поля помечены *