Маастарга кандидат Герман Стручков эриэккэс рекорда

Биһиги уолаттарбыт маастар В.И. Кононов салайыытынан дуобатынан дьарыктанан, оҕолорго ситиһиилэнэн барбыттарыгар,  кинилэргэ “ыалдьан” кэргэмминээн дуобат турнирдарын, төһө кыалларынан, көтүппэккэ көрөр буолбуппут.

Кыра уолбут Герман Саха национальнай гимназиятыгар алын кылаастарга үөрэнэ сылдьан дуобаты таһынан бастакы президеммит М.Е. Николаев уолаттарга хуоругар сүрдээҕин сөбүлээн, үлүһүйэн туран сылдьыбыта. Хуору кытта Испания Барселона куоратыгар, Болгария Варна куруордугар, Кыргызстаҥҥа Иссык-Куль күөл кытылыгар турар Ак-Су куоракка хуор бэстибээллэригэр  кыттыбыта. Онон дуобаттыырынааҕар ыллыырын ордорор этэ. Ити сылларга бэйэтин саастыылаахтара: Чурапчыттан Данилов Степаҕа, Майа уола Аргунов Петяҕа сабырыйтарара, Амматтан Бессонов Владиктыын, Таатта уола Саша Федоровтыын тэҥҥэ анньыһара.

Кинини кынаттаабыт күрэхтэһиинэн, 6-с кылааһы бүтэрэр сааһыгар, 2001 сыл ыам ыйыгар Намҥа ыытыллыбыт бастакы гроссмейстербыт Александр Азаров бирииһигэр турнир буолбута. Ол турнирга Гера маастар Василий Кычкиҥҥа коэффициенынан эрэ сабырыйтаран иккис миэстэҕэ тахсыбыта, бастакы улахан бирииһин микроволновай оһоҕу туппута. Үһүс миэстэни гроссмейстер Иван Токусаров ылбыта. Убайа Коля, күүстээх маастарга кандидаттар Вася Прокопьев, И.Лаврентьев, П.Собакин, Г.Кычкин уо.д.а. кэннигэр хаалбыттара. Бу турниртан эр ылан, Герман күрэхтэһиилэргэ хараҕа уоттанан, баҕаран туран оонньуур буолбута. Сыыйа саастыылаахтарыгар инники күөҥҥэ тахсыбыта, улахан да дьоҥҥо ситиһиилэр кэлэн испиттэрэ.

2003-2004 сыллар Герман сулустаах сыллара этилэр. Бу сылларга Республиканскай лицей-интернат 9-10-с физико-математическай кылаастарыгар үөрэнэ сылдьан кини элбэх Аан дойду, Европа, Арассыыйа, өрөспүүбүлүкэ таһымнаах дуобат турнирдарыгар ситиһиилээхтик кыттыбыта (бастакы, иккис табылыыссалар).

Сүрүн ситиһиилэрэ 100 харахтаах дуобакка этилэр:

1.Польша Ключборк куоратыгар кадеттарга аан дойду чемпионатыгар 2-с миэстэ;

2.Белоруссия Минскэй куоратыгар кадеттарга Европа чемпионатыгар 2-с миэстэ;

3.Санкт-Петербурга аан дойдутааҕы “Белые ночи” турнирга хас да гроссмейстеры куотан, сахалартан биир бастакынан кыайыылааҕынан тахсыбыта;

4.Дьокуускайга “Азия оҕолорун оонньуулара” турнирыгар 1-кы дуоскаҕа оонньоон “Чулуу дуобаччыт” бирииһин – өҥнөөх телевизор хаһаайына буолбута.

2003-2004 сылларга кыттыбыт турнирдара

Нуучча дуобата

1-кы табылыысса

№        Турнир           Дата    В         Н         П         Очки   Место

1 Чемпионат Республики Саха (Я) среди шк. 1988-89 г.р. (г. Якутск) 18-20 01/2003  5  4  0  7,0   1

2 Личный чемпионат России среди шк. 1988-89 г.р. (г. Колонтаево) 10-19 02/03  4  4  1  6,0  4 (коэф.)

3 Финал чемпионата г. Якутска среди мужчин (г. Якутск) 1-2 03/03    5     4     0    7,0    1

4 Турнир на призы гроссмейстера А.Г. Азарова (с. Намцы) 24-25 05/03    3    6    0   6,0   4  (коэф.)

5 9-й турнир на призы м/с Н.Н. Саввинова среди шк. 1988-87 г.р. (Якутск) 3-5 10/03   6   3   0   7,5   2 (коэф.)

6 Чемпионат РС (Я) среди школьников 1987-88 г.р. (г. Якутск)  13-15 01/2004    5      4      0     7,0       1

7 Чемпионат РС (Я) среди мужчин (высшая лига) (г. Якутск) 7-11 02.04    6   5   0   8,5    1    (коэф.)

8 Рейтинговый турнир на призы гроссмейстера А.Г. Азарова (Намцы) 15-16 05.04    6    6    1   9,0   6 (коэф)

9 10-й турнир на призы м/с Н.Н. Саввинова среди шк. 1989-1988 г.р. (Якутск) 2-4 10/04  5  2  0  6,0  1

Аан дойдутааҕы 100 харахтаах дуобат

2-с табылыысса

№        Турнир           Дата    В         Н         П         Очки   Место

1 Чемпионат Европы среди кадетов (г. Минск)  01-07 08/2003      4          5          —           13        2

2 Чемпионат РС (Я) среди мужчин (высшая лига) (г. Якутск) 13-19 12/03    7       6       0          10,0     1

3 Чемпионат РС (Я) среди школьников 1988-90 г.р. (г. Якутск)    13-15 02/2004    5    4    0   7,0    1

4 Чемпионат России среди юниоров (1987 г.р. и старше, г. Щелково) 20-29 02/04    3     6    0   12,0    3

5 Чемпионат России среди кадетов (1988-90 г.р., г. Ишимбай)    22-30 03/04    3     5     0    10,0     3

6 Международный турнир «Белые ночи» (г. Санкт-Петербург»   04-13 07/04    4     5     0    13,0    1

7«Дети Азии» на 1-й доске 1-й команды РС (Я) (г. Якутск) получил приз “Лучший игрок турнира 24-29 07/04    4    1    0    4,5       1-2

8 Чемпионат Европы среди кадетов (1988-90 г.р., Польша) 01-09 08/04     5    2      2    12    7 (коэф.)

9 Турнир на призы В.И.Птицына (с. Суола)       24-26 09/04    1        12        0       7,0       5 (коэф.)

10 Республиканский шашечный фестиваль (г. Якутск) 5-7 10/04      6      0       1        6,0       2

11 Финал чемпионата г. Якутска              6          2          1          7,0       2

12 Чемпионат РС (Я) среди мужчин (высшая лига)       6-11 12/04      5       6       0       8,0       4

13 Чемпионат мира среди кадетов (1988-90 г.р., Польша) 16-22 12/04    4    5   0   13,0    2

13.05.2001.  А.Г. Азаров турнирын үрүҥ көмүс призера

29.07.2004.   Азия оҕолорун оонньууларын “Чулуу дуобат” бириис хаһаайына

Өссө биир дьикти түгэни бэлиэтиэхпин баҕарабын: Герман 2003 сыл кулун тутар ыйыттан, 2004 сыл олунньутугар диэри, 11 ый иһигэр, Саха Өрөспүүбүлүкэтин оҕолорго уонна улахан дьоҥҥо ыытыллыбыт бары сүрүн турнирдарын кыайан, Өрөспүүбүлүкэҕэ абсолютнай чемпиона буолбута (үһүс табылыысса). Ол курдук:

  1. 2003 сыл кулун тутар 2 күнүгэр кини Дьокуускай куорат эр дьоҥҥо нуучча дуобатыгар чемпионатыгар бастаабыта. Иккис миэстэ – гроссмейстер Александр Азаров, үһүс миэстэ – спорт маастара Станислав Контоев буолбуттара;
  2. 2003 с. ахсынньы 19 күнүгэр Герман Өрөспүүбүлүкэ 100 харахтаах дуобакка эр дьоҥҥо чемпионун үрдүк аатын ылбыта. Иккис миэстэни Чурапчы 10-с кылааһын үөрэнээччитэ, маастарга кандидат Степа Данилов, үһүс миэстэни спорт маастара Василий Кычкин ылбыттара;
  3. 2004 с. тохсунньу 15 күнүгэр Герман нуучча дуобатыгар улахан уолаттарга өрөспүүбүлүкэ чемпиона буолбута. Иккис уонна үһүс миэстэлэргэ – маастарга кандидаттар Степа Данилов (Чурапчы), Ваня Эверстов (Нам) тиксибиттэрэ;
  4. 2004 с. олунньу 11 күнүгэр Герман эр дьоҥҥо нуучча дуобатыгар Өрөспүүбүлүкэ үрдүкү лигатын чемпионун бочуоттаах аатын сүкпүтэ. Иккис – гроссмейстер Александр Азаров, үһүс – аан дойду гроссмейстера Иван Токусаров буолбутттара;
  5. 2004 с. олунньу 15 күнүгэр Герман аны 100 харахтаах дуобакка улахан уолаттарга өрөспүүбүлүкэҕэ бастыыр. Иккис, үһүс миэстэлэри маастарга кандидаттар Коля Гермогенов (Дьокуускай), Степа Данилов (Чурапчы) ылбыттара.

19.12.2003. Герман СӨ 100 харахтаах дуобакка эр дьоҥҥо чемпиона

11.02.2004.   Герман СӨ нуучча дуобатыгар чемпиона                                                                                                                     3-с табылыысса

№        Турнир           Дата    В         Н         П         Очки   Место

1 Финал чемпионата г. Якутска среди мужчин по шашкам-64   1-2.03/2003    5       4       0     7,0            1

2 Чемпионат РС (Я) среди мужчин (высшая лига) по шашкам-100     13-19.12/2003   7   6   0   10,0    1

3 Чемпионат РС (Я) среди школьников (1987-88 г.р.) по шашкам-64  13-15.01/2004   5   4   0  7,0     1

4 Чемпионат РС (Я) среди мужчин (высшая лига) по шашкам-64  7-11.02.2004  6  5  0  8,5  1 (коэф.)

5 Чемпионат РС (Я) среди шк. (1988-90 г.р.) по шашкам-100  13-15.02/2004   5    4    0   7,0    1

Ити курдук, бу кэмҥэ Герман дуобат икки көрүҥэр иккиэннэригэр Өрөспүүбүлүкэ эр дьоҥҥо уонна уолаттарга, өссө нуучча дуобатыгар эр дьоҥҥо Дьокуускай куорат чемпионнарын үрдүк аатын сүкпүтэ, өрөспүүбүлүкэҕэ дуобакка эриэккэс рекорду олохтообута. Герман бу рекорда күн бүгүҥҥэ диэри охсулла илик уонна өтөрүнэн охсуллубата да буолуо.

2005 сыллааха Герман БКЭ экзаменнарын үчүгэйдик туттаран (математика – 100 баал, физика – 79 баал, нуучча тыла – 69 баал) Республиканскай лицей-интернаты бүтэрбитэ. Докумуоннарын Москва аатырар университеттарыгар: Н.Э. Бауман аатынан судаарыстыбаннай техническэй университекка уонна И.М. Губкин аатынан ниэп уонна гаас университетыгар туттаран, иккиэннэригэр киирбитэ уонна ниэп-гаас университетын талбыта.

Үөрэххэ барарыгар мин: “Сүрүн сыалыҥ – үөрэх! Чиҥ билиилээх исписэлиис буолуохтааххын! Бириэмэ ордор буоллаҕына дуобаккын бырахпакка, 100 харахтаахха оонньоор” – диэбитим.

1-2-с куурустарга тириэньэрэ В.И. Кононов сүбэтинэн, Москваҕа тириэньэр С.Н. Горбачевка дьарыктаммыта. 2006, 2007 сс. иккитэ Москва чемпионатыгар гроссмейстер И. Костионов кэнниттэн 2-с буолбута, Россия эдэрдэргэ чемпионатыгар Уфаҕа (2006) – иккистээбитэ, Ишимбайга (2007)  – чемпионнаабыта, таарыччы Башкортостан эр дьоҥҥо чемпионатыгар кыттан үрүҥ көмүс мэтээли ылбыта. Бу турнирдарга хаста да маастар нуорматын толорон, рейтинин үрдэтэн, успуорт маастарын дастабырыанньатын ылбыта. Үһүс куурустан үөрэҕэр кыһарыттаран сыыйа турнирдарга кыттарын тохтоторго күһэллибитэ.

2010 с. үөрэҕин бүтэрэн кэлэн идэтинэн бастаан Ленскэй улууһугар “ТААС-ЮРЯХ нефтегазодобыча” хампаанньаҕа үлэлээбитэ, билигин Дьокуускайга “ЯТЭК” хампаанньаҕа үлэлиир. Кэргэннээх, уол оҕолоох. Дуобакка биир эмэ турнирга хобби курдук оонньуур.

Константин СТРУЧКОВ.

07.12.20 с.

4 thoughts on “Маастарга кандидат Герман Стручков эриэккэс рекорда

  • 9 декабря, 2020 в 4:05 дп
    Permalink

    Герман Стручков биьиги чугас доготторбут кыра уоллара биьиги харахпыт ортотугар улааппыта, мин икки кыыстаах киьи уолга ымсыыран Гераны наьаа собулуур этим, кини ситиьиилэринэн наар киэн туттар этибит, астынабыт. Бырааьынньыктарга тумустэхпитинэ папалара Костя наар дуобакка бириистээх турнир тэрийэр этэ, Гераны наар ыллатан астынар этибит😍✊

    Ответ
    • 9 декабря, 2020 в 11:34 дп
      Permalink

      Варвара, санааҕын биллэрбиккэр махтал! Кырдьык, Стручков — спортивнай тыыннаах дьиэ кэргэн.

      Ответ
  • 9 декабря, 2020 в 7:39 пп
    Permalink

    Биһиги бырааттарбыт Герман, Коля Стручковтар ситиһиилэринэн киэн туттабыт! 👏👏👏

    Ответ

Добавить комментарий

Ваш адрес email не будет опубликован. Обязательные поля помечены *