Көҥүл тустуу күрэхтэһиитэ Иран хамаандатын кыайыытынан түмүктэннэ

Башкортостан киин куоратыгар Уфаҕа, 21-гэр диэри саастаахтарга көҥүл тустууга аан дойдуга биирдиилээн уонна хамаанданан бастыыр иһин күрэхтэһии ыытыллан түмүктэннэ. Быйылгы түһүлгэ Иран хамаандатын эрэллээх кыайыытынан түмүктэннэ.

Кинилэр 5 чемпионнаахтар, 1 үрүҥ көмүс, 1 боруонса мэтээлээхтэр. Оттон көбүөр хаһаайыттара – россияннар 2 кыһыл көмүс, 4 боруонса мэтээли ылары ситистилэр.

Финаллар иккис күннэригэр Россия бөҕөстөрүттэн биэс киһи – үһүс бириистээх миэстэ иһин кииристэ. Онуоха Федор Балтуев (61 кг) – азербайджанец Абульфаз Насировы 14:3, Ислам Картоев (86 кг) – грузин Давид Когуашвилины 9:6, Андрей Бестаев (125 кг) – американец Вуат Хендриксоны 7:3 ахсааннарынан хотон, пьедестал үһүс үктэлигэр таҕыстылар.

Оттон Идар Хатанов (74 кг), Токиотааҕы Олимпиада кыттыылааҕа азербайджанец Туран Байрамовка, Иван Кириллов (92 кг) – индус Патил Прутвираджка хотторон, бэһис миэстэнэн дуоһуйдулар.

Россияннартан өссө Алик Бадтиев (79 кг) уонна Сослан Джагаев (97 кг) бириистээх миэстэҕэ киирбэтилэр.

Көҥүл тустууга иккис финаллар түмүктэрэ:

61 кг:

  1. Рахмад Амузад (Иран)
  2. Равиндер Равиндер (Индия)
  3. Алибег Алибегов (Бахрейн)
  4. Федор Балтуев (Россия).

74 кг:

  1. Киган Отул (АХШ)
  2. Нурдуалет Куанышбай (Казахстан)
  3. Туран Байрамов (Азербайджан)
  4. Йаш Йаш (Индия).

86 кг:

  1. Амирхуссейн Фирузпур (Иран)
  2. Рахим Магомадов (Франция)
  3. Сагадулла Агаев (Азербайджан)
  4. Ислам Картоев (Россия)

92 кг.

  1. Рокки Элам (АХШ)
  2. Мехди Хаджили (Иран)
  3. Николас де Ланге (ЮАР)
  4. Патил Прутвирадж (Индия).

125 кг:

  1. Али Акбарпур (Иран)
  2. Лева Геворкян (Армения)
  3. Андрей Бестаев (Россия) 3. Кумар Анирудж (Индия).

Хамаанданан түмүк:

1.Иран – 178

2.Россия – 142

3.АХШ – 129

4.Азербайджан – 122

5.Индия – 101

6.Казахстан – 72.

«Дьулурҕан».

Добавить комментарий

Ваш адрес email не будет опубликован. Обязательные поля помечены *