Көҥүл тустуу: Беларусьтан икки чемпион

Беларусь Республикатын Горки куоратыгар көҥүл тустууга интернационалист-буойуннар кэриэстэригэр оҕолорго аһаҕас турнир 14-с төгүлүн ыытылынна. Быйылгы күрэхтэһиигэ Саха сириттэн, Дьокуускай куорат 3 нүөмэрдээх спортивнай оскуолатын тренерэ, СР спордун маастара Станислав Афанасьев салайааччылаах эдэр бөҕөстөр кытыннылар.

Кинилэри тэҥэ, Үөһээ Бүлүүттэн тренер Михаил Егоров икки эрчийэр уолунаан барсыбыта.

Күрэхтэһии үөрүүлээх аһыллыытыгар Станислав Егорович тэрийээччилэргэ махтанан өйдөбүнньүк бэлэхтэри туттарда. Ол курдук, Россия спецнаһын бэтэрээнэ, полковник, “Эр санааланыы” уордьан кавалера Иван Петрович Черкашин кинигэлэрин уонна А.Попов анаабыт календарьдарын, өйдөбүнньүк бэлэхтэрин, Үөһээ Бүлүү тренердэрэ анаабыт саха быһахтарын туттартаата.

Турнир түмүгүнэн биһиги бөҕөстөрбүт – икки чемпионнаннылар, икки иккис, түөрт үһүс миэстэлэннилэр. Ол курдук, Коля Попов (32 кг), Арсан Максимов (36 кг) – бастакы, Ньургун Чоросов (32 кг), Эрчын Кайгородов (55 кг) – иккис, Эдик Кириллин (27 кг), Антон Варламов (32 кг), Данил Прокопьев (46 кг), Витя Винокуров (55 кг) – үһүс миэстэлэри ыллылар.

Уолаттар кыраныысса таһыгар бастакы сырыыларыгар элбэҕи билэн-көрөн, мэтээлгэ тиксэн, салгыы өссө дьаныардаахтык дьарыктанарга санаалара көтөҕүллэн кэллилэр. Улуу Кыайыы 75 сылыгар сөп түбэһиннэрэн, Белоруссия Ленино диэн, Аҕа дойду сэриитин кэмигэр кырыктаах кыргыһыы буолбут куоратыгар музейга сылдьыбыттарын, оҕолор хаһан даҕаны умнуохтара суоҕа.

“Дьулурҕан”.    

4 thoughts on “Көҥүл тустуу: Беларусьтан икки чемпион

  • 4 марта, 2020 в 6:33 пп
    Permalink

    Витя Фурсо 55 кг. , а не Винокуров исправьте

    Ответ
    • 4 марта, 2020 в 9:31 пп
      Permalink

      В протоколе написано, Виктор Винокуров. Я спрошу у тренера.

      Ответ
      • 4 марта, 2020 в 9:52 пп
        Permalink

        Простите не права, можно удалить комментарии

        Ответ

Добавить комментарий

Ваш адрес email не будет опубликован. Обязательные поля помечены *