Көҥүл тустууга Россия чемпионатын болдьоҕо көһөр буолла

Бэҕэһээ, Тустуу аан дойдутааҕы түмсүүтүн (UWW) президенэ Ненад Лалович Башкортостан Республикатын баһылыга Радий Хабировы кытта, эһиил – 2021 сыл сайын Уфа куоракка буолуохтаах эдэрдэргэ аан дойду күрэхтэһиитин тэрээһин боппуруостарын дьүүллэспитин туһунан информационнай агентстволар сырдаттылар.

Бу улахан түһүлгэни көрсө уонна бэлэмнэнэ таарыйа, бу дьыл алтынньы 9-11 күннэригэр Уфаҕа, Башкортостан баһылыгын бирииһигэр гректии-римнии тустууга Россия Кубогын ыытар буоллулар.

Онон сибээстээн, эрдэ эппиттэринэн, алтынньы 8-11 күннэригэр Хотугу Осетия киин куоратыгар Владикавказка буолуохтаах көҥүл тустууга Россия чемпионатын болдьоҕо көһөн биэрбитин уонна сотору кэминэн ыытыллар болдьоҕо чопчу быһаарылларын туһунан Россия спортивнай тустууга федерациятын президенэ Михаил Мамиашвили иһитиннэрдэ.

“Дьулурҕан”.   

Добавить комментарий

Ваш адрес email не будет опубликован. Обязательные поля помечены *