Көҥүл тустууга аҕам саастаахтарга Россия чемпионата

Бэс ыйын 11-14 күннэригэр Ставропольскай кыраай Ессентуки куоратыгар Россия спортивнай тустууга федерациятын тэрийиитинэн аҕам саастаахтарга көҥүл тустууга Россия үрдүнэн бастыыр иһин чемпионат ыытыллар.

Күрэхтэһии биирдилээн бастыыр иһин буолар. Хапсыһыылар, Тустуу аан дойдутааҕы түмсүүтүн (UWW) билиҥҥи быраабылатынан, Россия спортивнай тустууга федерацията бигэргэппит ыйааһыннарыгар барыахтара: 62, 70, 78, 88, 100, 130 киилэлэргэ диэри. Күрэхтэһиигэ аан дойдутааҕы быраабыланан 35-тэн үөһэ саастаах бөҕөстөр киллэриллэллэр. «А» дивизион (35-тэн 40-гэр диэри саастаахтар), «В» дивизион (41-45), «С» (46-50), «Д» (51-55) уонна «Е» (56-60). Бу ыйааһыннарга ситиһиилээхтик кыттыбыттар – аан дойду чемпионатыгар кыттар быраабы ылыахтара.

Өссө күрэхтэһии «Ф» (61-тэн 65-гэр диэри саастаахтар) уонна «Г» (66-70) дивизионнарга ыытыллар, ол эрээри, эчэйии тахсыбатын инниттэн бу саастаахтарга, Тустуу аан дойдутааҕы түмсүүтүн быһаарыытынан, аан дойду чемпионата ыытыллыбат.

Чемпионат бырагыраамата:

Бэс ыйын 11 күнэ, бээтинсэ

10:00-16:00 Мандатнай комиссия үлэтэ.

16:00-18:00 Кыттааччылар эрчиллиилэрэ.

17:00-18:00 Судьуйалыыр коллегия хамаанда бэрэстэбиитэллэрин кытта сүбэ мунньаҕа.

18:30-19:30 Бары ыйааһыннарга сэрэбиэй тардыыта.

Бэс ыйын 12 күнэ, субуота

08:00-08:30 Кыттааччылары медицинскэй көрүү уонна ыйааһыннааһын.

10:00             Бары ыйааһыннарга барыллааһын хапсыһыылар.

17:00-17:30 Чемпионаты үөрүүлээхтик аһыы.

17:30-21:00 Күрэхтэһии салгыыта.

Бэс ыйын 13 күнэ, баскыһыанньа

08:00-08:30 Кыттааччылар ыйааһыннаныылара.

10:00-12:00 «Уоскутар» бөлөх тустуулара.

12:00-16:00 Бары ыйааһыннарга финаллар.

16:00-17:00 Кыайыылаахтары наҕараадалааһын.

17:00-17:30 Чемпионаты үөрүүлээхтик түмүктээһин.

«Дьулурҕан».   

 

Добавить комментарий

Ваш адрес email не будет опубликован. Обязательные поля помечены *