Көҥүл тустууга аан дойду чемпионатыгар Япония састааба быһаарылынна

Красноярскайга Иван Ярыгин кэриэһигэр норуоттар икки ардыларынааҕы турнир кэмигэр Токиоҕа, спортивнай тустууга үгэс быһыытынан ыытыллар Мэйдзи Кубога-2021 ыытылынна. Бу күрэхтэһии түмүгүнэн быйыл күһүн буолуохтаах аан дойду чемпионатыгар Япония хамаандатын састааба сүүмэрдэнэн талылынна.

Мэйдзи Кубогын курэхтэһиитин түмүгүнэн, Япония спортивнай тустууга федерациятын быһаарыытынан, кэккэ ыйааһыннарга 2020 сыллааҕы дойду чемпионнарын уонна Мэйдзи Кубогын быйылгы кыайыылаахтарын икки ардыларыгар эбии хапсыһыылар ыытылыннылар. Холобур, 61 киилэҕэ Япония былырыыҥҥы чемпиона Кодаи Огава уонна Тошихиро Хасегава киирсиилэригэр, кыайыыны Хасегава ситистэ. Кини утарсааччытын 1 мүн. 29 сөк. иһинэн очукуонан ыраас (10:0) кыайыыны ситиһэн, аан дойду чемпионатыгар кыттар быраабы ылла.

Онон сэтинньи ыйга Осло (Норвегия) буолар аан дойду чемпионатыгар Япония хамаандата маннык састаабынан кыттарга былааннанар: 57 кг – Тошия Абэ, 61 кг – Тошихиро Хасегава, 65 кг – Кайки Ямагучи, 70 кг – Джинтаро Мотояма, 74 кг – Масаки Сато, 79 кг – Такаки Иошида, 86 кг – Хаято Исигуро, 92 кг – Такумо Отсу, 97 кг – Такаши Исигуро, 125 кг – Тайки Ямамото.

Мэйдзи Кубогын көҥүл тустууга түмүгэ:

57 кг: 1. Тошия Абэ, 2. Юдай Фуджита, 3. Рикуто Араи.

61 кг: 1. Тошихиро Хасегава, 2. Котара Киюка, 3. Дайто Хаттори.

65 кг: 1. Кайки Ямагучи, 2. Кэй Йонедзава, 3. Ресукэ Кэра.

70 кг: 1. Аюми Сузуки, 2. Хиротака Абэ, 3. Нарита.

74 кг: 1. Масаки Сато, 2. Кирин Киношита, 3. Дайчи Такатани.

79 кг: 1. Юмадай Такахаси, 2. Юта Абэ, 3. Фумия Игараси.

86 кг: 1. Хаято Исигуро, 2. Ясунари Мацуюки, 3. Яздуро Ямазаки.

92 кг: 1. Такума Отсу, 2. Реюти Яманака, 3. Ватаро Такеучи.

97 кг: 1. Такаши Исигуро, 2. Хираи Ито, 3. Тайра Сонода.

125 кг: 1. Тайки Ямамото, 2. Кодзи Фукуи, 3. Уэхидо Мори.

Билэргит курдук, Тошия Абэ, Кайки Ямагучи – эдэрдэргэ аан дойду күрэхтэһиитин кыайыылаахтарынан буола сылдьыбыттара. Оттон Тошихиро Хасегава 2018 сыллаахха 23-гэр диэри саастаахтарга аан дойдуга 57 киилэҕэ бастаабыта. Өссө биир киһи сэҥээрэр түгэнинэн, хамаанда састаабыгар икки бырааттыы Исигуролар – Хаято уонна Такаши киирбиттэрэ буолар. Тус санаабар, бу састааптан Абэ, Хасегава, Ямагучи уонна Мотояма аан дойду чемпионатын мэтээлигэр тиксиэхтэрин сөп.

Аны бэс ыйын 12 күнүгэр көҥүл тустууга Япония олимпийскай хамаандатыгар 57 киилэҕэ ким киирэрин быһаарар хапсыһыы ыытыллар. Онно Рей Хигучи уонна Юки Такахаси киирсиэхтэрэ. Дьэ, хайалара кыайыай?

Санатан эттэххэ, Япония көҥүл тустууга хамаандата бэйэтин дьиэтигэр ыытыллар Олимпийскай оонньууларга түөрт тустуугунан кыттыаҕа: 57 кг Юки Такахаси (Рей Хигучи), 65 кг – Такуто Отогуро, 74 кг – Кейсукэ Отогуро, 86 кг – Сосукэ Такатани.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *