Күрэхтэһиигэ ыҥырабыт

Бу өрөбүл күннэргэ, балаҕан ыйын 22-23 күннэригэр республика киин куоратыгар Дьокуускай физическэй култуураҕа уонна спорка управлениетын көҕүлээһининэн чэпчэки атлетика кроһугар уонна компакт-спортиҥҥа күрэхтэһиилэр ыытыллыахтара.

Кросс

Балаҕан ыйын 22 күнүгэр Култуура уонна сынньалаҥ пааркатыгар чэпчэки атлетика кроһугар Дьокуускай куорат аһаҕас чемпионата уонна күрэхтэһиитэ ыытыллар.

Күрэхтэһии биирдиилээн бастыыр иһин ыытыллар. Быраастан көҥүллээх баҕалаах спортсменнар быра кытталлара көҥүллэнэр. Күрэхтэһии Чэпчэки атлетика Бүтүн Россиятааҕы федерациятын (ВФЛА) бигэргэппит быраабылатынан ыытыллар.

1959-1968, 1969-1978 сс. төрөөбүт бэтэрээн эр дьон, 2001-2002 сс. төрөөбүт уолаттар, 1984-2000 сс. төрөөбүт дьахталлар, 2001-2002 сс. төрөөбүт кыргыттар – 3 км,

1979-2000 сс. төрөөбүт эр дьон – 5 км,

2003-2004 сс. төрөөбүт уолаттар, 1964-1973 уонна 1974-1983 сс. төрөөбүт бэтэрээн дьахталлар, 2003-2004 сс. төрөөбүт кыргыттар – 2 км,

2005-2006 сс. төрөөбүт уолаттар уонна кыргыттар – 1 км,

2007 с. төрөөбүт оҕолор – 500 м дистанцияҕа сүүрүөхтэрэ.

Кыайыылаахтар уонна иккис-үһүс миэстэлээхтэр грамоталарынан уонна мэтээллэринэн наҕараадаланыахтара.

Компакт-спортинг

Дьокуускай куорат баһылыгын кубогар компакт-спортиҥҥа аһаҕас турнир Маҕанныыр суол 6-c километрыгар “Бэргэн” спортивнай комплекска, балаҕан ыйын 23 күнүгэр буолуоҕа.

Күрэхтэһиигэ баҕалаахтар бары кытталлар. Кыттааччылар саастарынан бөлөхтөрүнэн уонна күрэхтэһэр таһымнарынан хайдыһан күрэхтэһиэхтэрэ. Ол курдук, эр дьон – А, В, С бөлөхтөргө арахсыахтара, ону тэҥэ бэтэрээннэргэ, дьахталларга уонна эдэрдэргэ кыайыылаахтар быһаарыллыахтара.

Дьокуускай куорат физическэй култуураҕа уонна спорка управлениета.

Добавить комментарий

Ваш адрес email не будет опубликован. Обязательные поля помечены *