Кыайыылаах – Гумар Моисеев

Балаҕан ыйын 8 күнүгэр Республикатааҕы дуобат уонна саахымат киинигэр Дьокуускай куорат күнүгэр анаан түргэн саахымакка “Күһүҥҥү тургутуу” диэн күрэхтэһии буолан ааста.

Швейцарскай систиэмэнэн 9 туур оонньоонно. Барыта 54 саахыматчыт күрэхтэстэ. Күрэхтэһии түмүгүнэн үс бастакы миэстэни ылбыт саахыматчыттар – мэтээлинэн, грамотанан уонна бирииһинэн наҕараадаланнылар. Оттон төрдүс, бэһис, алтыс миэстэлэммиттэр бириистэринэн бэлиэтэннилэр.

Ол курдук, күрэхтэһии түмүгүнэн бэтэрээннэр, дьахталлар, уолаттар уонна кыргыттар бөлөхтөрүгэр бастыҥ көрдөрүүлээхтэр анал бириистэри туттулар. Эр дьоҥҥо кыайыылааҕынан 7,5 очукуону хомуйбут, саахымат республикатааҕы бэстибээлин быйылгы чемпиона Гумар Моисеев таҕыста. Иккис миэстэни 7 очукуолаах Дмитрий Егоров ылла. Оттон эмиэ 7 очукуолаах эрээри, хаачыстыбатынан сабырыйтарбыт Роман Ганжуров үһүс бириистээх миэстэҕэ тигистэ.

Төрдүс, бэһис, алтыс миэстэлэри туһааннааҕынан Павел Бекетов, Владимир Таппыров уонна Амуо Курилов үллэһиннилэр.

Нариман Мустафин, Руслан Пахомов курдук күүстээх саахыматчыттар бириистээх миэстэҕэ тиксибэтэхтэрэ – күрэхтэһии састаап өттүнэн күүстээҕин уонна тыҥааһыннаах оонньуулар ыытыллыбыттарын кэрэһилиир.

Дьокуускай куорат физическэй култуураҕа уонна спорка управлениета.

Добавить комментарий

Ваш адрес email не будет опубликован. Обязательные поля помечены *