Кыайыылаах быһаарылынна


Венгрияҕа ыытыллан түмүктэммит көҥүл тустууга аан дойду чемпионатыгар аналлаах куонкуруһу бу сырыыга саҥа арыллан үлэлээн эрэр “Дьулурҕан” сайтыгар (dzulurgan.ru) тэрийэн ыыттыбыт. Куонкуруска барыта 37 киһи кытынна. Кинилэргэ барыларыгар хаһыат ыытар үлэтигэр көхтөөхтүк кытталларын иһин барҕа махтал!

Куонкурус балаһыанньатын быһыытынан кыттааччылар ыйааһын ахсын чемпионнары уонна иккис, үһүс миэстэлэргэ тахсыбыт россияннары сылыктыахтаах этилэр. Дьэ, чемпионат бүппүтүн кэнниттэн киирбит хоруйдары ырытан көрөн баран, кыайыылааҕы быһаардыбыт. Куонкурус кыайыылааҕынан Ефрем диэн тустууну таптааччы таҕыста.

Ефрем, Альбина Дегтярева уонна Спиридон Иванов 6-лыы очукуону ыллылар. Ол эрээри, куонкурус балаһыанньатын быһыытынан, тэҥнэһии түгэнигэр ким хоруйун эрдэ ыыппыт – ол кыайар диэн этэ. Онон куонкуруска ким хайа иннинэ бастакынан бэйэтин билгэлээһинин ыыппыт Хачыкааттан тустуу бэриниилээх ыалдьааччыта Валерий Ефремов (Ефрем) кыайыылааҕынан ааҕыллар. Эҕэрдэлиибит!

Эрдэ эппиппит курдук, кини саха тустуутун историятын туһунан кинигэнэн наҕараадаланар. Кыайыылааҕы кытта сэһэргэһии хаһыат аныгыскы нүөмэригэр тахсыаҕа.
Оттон Иван, Семен Рожин, Валерий Гаврильев, Андрей Горохов, Константин Никифоров 5-тии очукуону хомуйан, куһаҕана суох көрдөрүүлэннилэр.

“Дьулурҕанныын” бииргэ буолуҥ! Олоҕу уонна спорду кытта бииргэ хардыылааҥ!

Дьулурҕан”.

2 thoughts on “Кыайыылаах быһаарылынна

  • 31 октября, 2018 в 2:59 пп
    Permalink

    2-3 миэстэ буолбуттарга туох да бэриллибэт да? дьэ кыьыы эбит!

    Ответ
  • 31 октября, 2018 в 4:57 пп
    Permalink

    Спиридон, балаһыанньа быһыытынан бириис кыайыылаахха эрэ бэриллэр. Санааҕын түһэримэ, эн кыайыын иннигэр.

    Ответ

Добавить комментарий

Ваш адрес email не будет опубликован.