Куонкурус түмүктүүр түһүмэххэ таҕыста


Эрдэ иһитиннэрбитим курдук, көҥүл тустууга аан дойду чемпионатыгар анаан “Дьулурҕан” сайт тэрийбит куонкурсугар барыта 37 киһи бэйэтин билгэлээһинин ыыппыта. Кинилэргэ барыларыгар өссө төгүл барҕа махтал!

Дьэ, чемпионаты кытта тэҥҥэ биһиги куонкуруспут эмиэ түмүктүүр түһүмэххэ таҕыста. Барыллаан ааҕан көрүүнэн, билиҥҥи туругунан, аҕыс ыйааһын кэнниттэн – Ефрем, Альбина Дегтярева уонна Спиридон Иванов 4-түү очукуолаах инникилээн иһэллэр. Аны бүгүн, 70 уонна 97 кг ыйааһыннар түмүктэрин кэтэһэбит. Кинилэртэн биирдии очукуонан хаалан иһээччилэр хастар даҕаны. Онон чопчу бу киһи бастыыр кыахтаах диэн эрдэттэн этэр уустуктардаах.

Хас да киһи Россия хамаандатын ыарахан ыйааһыҥҥа кыттааччыта Анзор Хизриев бэһис миэстэлэниэ диэн сылыктаабыт. Оттон иккис ыйытык “Россия хамаандатыттан кимнээх иккис, үһүс миэстэни ылыахтарай?” диэн этэ. Онон балаһыанньа уларыйбат. Хизриевы бэһис буолар диэбит дьоҥҥо очукуо ааҕыллыбат!

Эрдэ эппиппит быһыытынан, очукуо тэҥнэһэр түгэнигэр, эппиэтин ким урут ыыппыт кыайыылааҕынан тахсыаҕа. Сайтка барыта хайдах баарынан суруллан турар, тэҥнээн-бэрэбиэркэлээн көрүөххүтүн сөп. Санатан эттэххэ, хас биирдии сөптөөх сылыктааһын иһин – 1-дии очукуо ааҕыллар.
Куонкурус усулубуйатын уонна олохтоммут үгэс быһыытынан, кыайыылаах киһи “История спортивной борьбы Якутии” (1956-2016) кинигэнэн наҕараадаланыа уонна кинини кытта интервью оҥоһуллуо.
“Дьулурҕаны” кытта өрүү бииргэ буолуҥ! Олоҕу уонна спорду кытта бииргэ хардыылааҥ!

PS: мантан аллараа – куонкурус хаамыытын туһунан санааҕытын суруйуоххутун сөп.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *