Куонкуруска кыттыбыттарга барҕа Махтал!

Дьэ, өр күүппүт чемпионаппыт саҕаланна. “Дьулурҕан” сайт тэрийбит куонкурсугар барыта 37 киһи бэйэтин билгэлээһинин ыытта. Эһиэхэ барыгытыгар, биһиги хаһыаппыт ыытар үлэтигэр көхтөөхтүк кыттаргытыгар – барҕа махтал!

Куонкуруска кыттааччылар састааптара күүстээх диэххэ сөп. Ааттарыттан көрдөххө, урукку маннык, тустуу куонкурсун кыайыылаахтара хас да киһи кыттыбыт. Дьэ, аны үс күн быһа аан дойду чемпионатын түмүгүн кытта бэйэҕит сылыктааһыннаргытын кэтээн көрөбүт.

Эппиэттэртэн көрдөххө, билгэлээһиннэр бары кэриэтэ маарыннаһаллар. Дьон үксэ 57 кг — Бехбаяр, 61 кг — Рашидов, 65 кг — Алиев, 70 кг — Газимагомедов, 74 кг — Барроуз, 79 кг — Дэйк, 86 кг — Яздани, 92 кг — Карими, 97 кг — Садулаев, 125 кг — Акгуль чемпионнуохтара диэбит. Арай, россияннар ханнык мэтээли ылыахтарай диэҥҥэ араастаһыылар бааллар. Сэрэйдэххэ, быһаарыылаах очукуолар манна оонньонуохтара дии саныыбын.

Онон эрдэ эппиппит быһыытынан, очукуо тэҥнэһэр түгэнигэр, эппиэтин ким урут ыыппыт кыайыылааҕынан тахсыаҕа. Сайтка барыта хайдах баарынан суруллан турар, тэҥнээн-бэрэбиэркэлээн көрүөххүтүн сөп. Санатан эттэххэ, хас биирдии сөптөөх сылыктааһын иһин – 1-дии очукуо ааҕыллар.

Куонкурус усулубуйатын уонна олохтоммут үгэс быһыытынан, кыайыылаах киһи “История спортивной борьбы Якутии” (1956-2016) кинигэнэн наҕараадаланыа уонна кинини кытта интервью оҥоһуллуо.

“Дьулурҕаны” кытта өрүү бииргэ буолуҥ! Олоҕу уонна спорду кытта бииргэ хардыылааҥ!

PS: мантан аллараа – куонкурус хаамыытын туһунан санааҕытын суруйуоххутун, тугу өйдөөбөтөххүтүн ыйытыаххытын сөп.

Дьулурҕан”.

Добавить комментарий

Ваш адрес email не будет опубликован. Обязательные поля помечены *