Кубокка анал таһаарыыны ыларга тиэтэйиҥ!

“Саха сирэ” хаһыат “Дьулурҕан” сыһыарыыта уонна dzulurgan.ru сайт – көҥүл тустууга аан дойду Кубогын киэҥник сырдатан, бэйэтин ааҕааччыларын сэргэхситэр санаалаах. Ол курдук, бу улахан таһымнаах күрэхтэһиини көрсө, “Дьулурҕан” анал таһаарыыта бэчээттэнэн таҕыста.

Бу бэчээтинэй бородууксуйаттан эһиги – буолаары турар күрэхтэһиигэ кыттар хамаандалар састааптарын, кинилэр бастыҥ бөҕөстөрүн, хайдах кыттыахтарын сөбүгэр билгэлээһини, аан дойду Кубогын устуоруйатын, бырагырааматын, саха бөҕөстөрүн кыттыыларын уонна да бу күрэхтэһиигэ сыһыаннаах элбэх сыыппаралары-чахчылары кытта билсиэххит. Албан аатырбыт тустууктар Павел Пинигин, Арсен Фадзаев, Бувайсар Сайтиев, Юдзи Такада, Абдулрашид Садулаев улахан өҥнөөх хаартыскаларыгар өйдөбүнньүк илии баттааһыны ылыаххытын сөп.

Анал таһаарыы иһинэн куонкурус биллэриллэн, кыайыылаах – сыаналаах бирииһинэн наҕараадаланыа. Ол эбэтэр, сурунаал иһигэр куонкурус усулуобуйалаах анал купуон баар. Ону толорон баран, кырыйан ылан – кулун тутар 16 күнүгэр диэри редакцияҕа аҕалан биэриэхтээххит.

Бу, “Якутия” Медиа-Холдинг 1000 ахсаанынан бэчээттээн таһаарбыт улахан кээмэйдээх анал таһаарыыта билиҥҥи аныгы кэм ирдэбилигэр толору эппиэттиир. Бэчээттээһин хаачыстыбата – туйгун! Ис хоһооно даҕаны бэртээхэй! Барыта буолан ааспыт биһиги устуоруйабыт.

Дьэ, көҥүл тустууга аан дойду Кубогын көрсө “Дьулурҕан” анал таһаарыытын Бэчээт дьиэтин (Орджоникидзе уул. 31 №) хаһыат атыылыыр киоскатыттан, иккис этээскэ 227-c кабинеттан, эбэтэр 89618681171 №-дээх телефонунан сакаастаан дьиэҕитигэр (аадырыскытыгар) аҕалтаран — атыылаһыаххытын сөп.

Буолаары турар тустуу дьиҥнээх бырааһынньыгынан барыгытын эҕэрдэлээн туран, биһиги хаһыаппытын, интэрниэккэ сайтпытын уонна Кубокка анаан бэлэмнээбит бэчээтинэй бородууксуйабытын ылан ааҕан сэргииргитигэр ыҥырабыт!

“Дьулурҕан”. 

Добавить комментарий

Ваш адрес email не будет опубликован. Обязательные поля помечены *