Иннокентий Халдеев хапсаҕайын кыайыылаахтара

Уус Алдан Бороҕонугар бу ый 22-23 күннэригэр ССРС, РСФСР, Саха АССР спордун маастара, Саха АССР үтүөлээх тренерэ И.А. Халдеев кэриэһигэр республикатааҕы «А» категориялаах хапсаҕай турнира буолан ааста. Күрэхтэһиигэ республикабыт үгүс улуустарыттан барыта 156 бөҕөс, эр дьон уонна бэтэрээннэр кэлэн кыттыыны ыллылар.

Икки күннээх күрэхтэһии түмүгүнэн эр дьоҥҥо ыйааһыннарыгар кыайыылааҕынан таҕыстылар:

57 кг: 1 м – Никита Ушницкай (Уус Алдан), 2 м – Захар Винокуров (Нам), 3 м – Петр Алексеев (Уус Алдан).

65 кг: 1 м – Петр Павлов (Уус Алдан), 2 м – Афанасий Слепцов (Верхоянскай), 3 м – Гаврил Сивцев (Хаҥалас).

75 кг: 1 м – Василий Черкашин (Уус Алдан), 2 м – Аян Горохов, 3 м – Евгений Габышев (иккиэн — Хаҥалас).

85 кг: 1 м – Платон Саввинов (Үөһээ Бүлүү), 2 м – Алексей Андросов (Уус Алдан), 3 м – Дьулустаан Попов (Верхоянскай).

95 кг: 1 м – Александр Халыев (Таатта), 2 м – Дмитрий Шадрин (Орто Халыма), 3 м – Сергей Семенов (Нам).

95-тэн үөһээ кг: 1 м – Евгений Алексеев (Уус Алдан), 2 м – Кузьма Сивцев (Нам), 3 м – Степан Гаврильев (Амма).

Бэтэрээннэргэ:

60 кг: 1 м – Иван Ноговицын, 2 м – Афанасий Пестряков (иккиэн – Уус Алдан), 3 м – Алексей Кириллин (Хаҥалас).

70 кг: 1 м – Николай Острельдин (Уус Алдан), 2 м – Айаал Павлов (Чурапчы), 3 м – Прокопий Иванов (Сунтаар).

80 кг: 1 м – Александр Андреев (Чурапчы), 2 м – Николай Готовцев, 3 м – Руслан Попов (иккиэн – Уус Алдан).

90 кг: 1 м – Алексей Некрасов (Дьокуускай), 2 м – Афанасий Сивцев (Чурапчы), 3 м – Иван Ноговицын (Верхоянскай).

90-тан үөһээ кг: 1 м – Александр Устинов (Таатта), 2 м – Захар Румянцев (Уус Алдан), 3 м – Василий Винокуров (Үөһээ Халыма).

Бары бастаабыт бөҕөстөргө “Интехстрой” тэрилтэттэн плазменнай телевизор, 2-с, 3-с миэстэлэргэ Уус Алдан дьаһалтатын аатыттан сыаналаах бэлэхтэр туттарылыннылар.

75 киилэҕэ диэри абсолютнай кыайыылаах аатын республикаҕа биллэр бөҕөс Рустам Машарипов ылан, И.А. Халдеев иитиллээччилэрэ туруорбут МР-155 сааларын хаһаайынынан буолла.

Муҥутуур кыайыылаах аатын былдьаһыыга олохтоохтор эрэллэрэ Евгений Алексеев Нам тумус туттар бөҕөһүгэр Кузьма Сивцевка хотторон, элбэх киһини долгута сырытта. Бүтэһик быһаарыылаах хапсыһыыга эмиэ Уус Алдан бөҕөһө Константин Копырин – Кузьма Сивцевы умса тардан кыраһыабайдык кыайан, “Интехстрой” тэрилтэ спонсордаан туруорбут бирииһин – 100 тыһыынча солкуобайы сиэбигэр уктан, төрөөбүт Тумулун диэки айаннаата. Онон олохтоохтор үөрүүлэрэ муҥура суох.

Күрэхтэһии үрдүк таһымнаахтык ыытылларыгар күүс-көмө буолбут бары дьоммутугар-сэргэбитигэр, Тумул, Бороҕон олохтоохторугар, улууспут дьаһалтатыгар, спорт комитетыгар, Бороҕон нэһилиэгин дьаһалтатыгар, И.А. Халдеев үөрэппит-эрчийбит уолаттарын түмсүүтүгэр, “Интехстрой” тэрилтэҕэ улахан махталбытын тиэрдэбит.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *