Иннокентий Григорьев: “Тустууга болҕомто ууруллар”

Бүгүн “Саха” национальнай көрдөрөр-иһитиннэрэр хампаанньа “Тэтим” радионан быһа биэриитигэр Саха Республикатын физическэй култуураҕа уонна спорка миниистирэ Иннокентий Юрьевич Григорьев кыттыыны ылла.

Бары билэ-көрө сылдьаргыт курдук, кэнники кэмҥэ коронавирус дьаҥа бүрүүкээн, олохпут бары эйгэтигэр уларыйыылар таҕыстылар. Дьэ, бу уустук кэмҥэ Спорт министерствота хайдах быһыылаахтык үлэлии олорорун, инники былааннарын туһунан Иннокентий Юрьевич кэпсээтэ уонна радионы истээччилэр ыйытыыларыгар хоруйдаата.

Ыйытыы: Көҥүл тустуубут мөлтөөтө. Соторутааҕыта тустууктарбыт Россия чемпионатыттан хотторон кэллилэр. Онно туох миэрэни ылаҕыт?

Иннокентий Григорьев: Тустууну сүрүннүүр тэрилтэ салалтата уонна хамаанданы салайар тренерскэй састаап саҥа ананан үлэлии сылдьаллар. Тустууну сайыннарыыга үлэ барар, болҕомто ууруллар. Ол гынан баран, кырдьык, буолан ааспыт Россия чемпионатыттан тустууктарбыт мэтээл аҕалбатылар. Көрдөрүү суох. Инникитин науканы кытта ыкса ситимнээх үлэ ыытыллара эрэйиллэр.

Сотору кэминэн биһиги министиэристибэбит куратора Саха Республикатын Правительствотын председателин солбуйааччы Сергей Васильевич Местников кыттыылаах экспертэри кытта тустуу тула сүбэ мунньах ыытарга былаанныыбыт.

Петр ПАВЛОВ.                 

Добавить комментарий

Ваш адрес email не будет опубликован. Обязательные поля помечены *