Изоляция бириэмэтигэр Ютубка тустуу видеоларын көрдүм

Мин тустууну сөбүлээн көрөбүн, тустуунан дьарыктанабын. Иккис кылааска тустууга киирбитим. Тренердэрим – спорт маастардара Владимир Петрович Яковлев уонна Андриан Аркадьевич Захаров.

2017 сыллаахха Красноярскай куоракка Иван Ярыгин турнирын көрө, сбордана бара сылдьыбыппыт. Онно мин элбэх биллэр-көстөр тустууктары көрбүтүм. Холобура Рэй Хигучи, Опан Сат, Александр Богомоев, Гаджимурат Рашидов, Бонне Родригес, Исмаил Мусукаев уо.д.а.

Үһүс кылааһы ситиһиилэхтик бүтэрбиппэр миэхэ дьонум суруналыыс Петр Павлов «Покорившие Олимп» кинигэтин бэлэхтээбиттэрэ. Онтон ыла мин көҥүл тустууга олимпийскай чемпионнары билэр буолбутум.

2018 сыллаахха Красноярскайга Д.Г. Миндиашвили залыгар, Казахстан — Костанай, Рудный куораттарыгар сбордана, күрэхтэһэ бара сылдьыбыппыт. Казахстаҥҥа ССРС маастара Марат Омарканов бирииһигэр традиционнай турнирга 3-с миэстэ буолбутум.

Саамай улахан ситиһиим 2018 с. «Игры Боотуров» үһүс буолбутум.

Бу, изоляция бириэмэтигэр биллэр-көстөр тустууктар тустар үчүгэй моменнарын видеоларын көрдөөн булан үөрэттим, Инстаграмҥа бэйэм страницабар уктум. Тустууктар тустарынан олус интэриэһиргиибин. Күрэхтэһиилэри барытын көтүппэккэ көрө сатыыбын. Биһиги дьиэ-кэргэнинэн бары тустууну сөбүлүүбүт, бииргэ төрөөбүт үһүөн уолаттарбыт. Быраатым 1-кы кылааска үөрэнэр, эмиэ тустуунан дьарыктанар.

Саамай сөбүлүүртустууктарым: Такуто Отогуро, Ильяс Бекбулатов, Гаджимурад Рашидов, Бесик Кудухов, Бека Ломтадзе, Александр Богомоев, Сослан Рамонов, Давид Баев, Магомед Курбаналиев, Сулейман Атли, Нурислам Санаев. Саха тустууктарыттан: Виктор Лебедев, Арыйаан Тютрин, Александр Иванов, Павел Пинигин, Роман Дмитриев, Ньургун Скрябин, Владислав Андреев.

Кинилэр курдук ааттаах-суоллаах, улахан тустуук, эбэтэртустууну тарҕатааччы буолуохпун баҕарабын!

Саша ИГНАТЬЕВ, Мэҥэ Хаҥалас улууһун Майа орто оскуолатын алтыс кылааһын үөрэнээччитэ.

 

Добавить комментарий

Ваш адрес email не будет опубликован. Обязательные поля помечены *