Егор Потапов – турнир кыайыылааҕа

Алтынньы 5 күнүгэр Воронеж куорат “Звезднай” спортивнай комплексыгар Россия үтүөлээх тренерэ С.И. Горожанкин кэриэһигэр көҥүл тустууга Бүтүн Россиятааҕы XIX турнир ыытылынна.

Бу турнирга биһиги биир дойдулаахпыт, спорт маастарыгар кандидат Егор Потапов (тренерэ Никита Никифоров) 61 кг ыйааһыҥҥа кыайыы көтөллөнөн, пъедестал үрдүкү үктэлигэр таҕыста уонна мэтээлинэн, грамотанан, өйдөбүнньүк бирииһинэн наҕараадаланна.

Егор Потапов биһигини 2015 сыллаахха, сахаттан бастакы олимпийскай чемпион Роман Дмитриев кэриэһигэр эдэрдэргэ норуоттар икки ардыларынааҕы турнирга сүрдээҕин үөрдэн турар. Итиннэ кини 50 киилэҕэ бастакы миэстэни ылан, “Турнир бастыҥ бөҕөһүнэн” ааттанан анал бирииһинэн наҕараадаламмыта.

Эбээн-Бытантай ыччата быйыл Саха сирин сүүмэрдэммит хамаандатын састаабыгар киирэн атырдьах ыйын саҥатыгар Одинцово куоракка ыытыллыбыт Россия улахан дьоҥҥо чемпионатыгар кыттыыны ылбыта уонна куһаҕана суох өйдөбүлү үөскэппитэ.

Дьулурҕан”.

Добавить комментарий

Ваш адрес email не будет опубликован. Обязательные поля помечены *