Евро-2020: Хаартыскаларга кимнээҕий?

Өссө оҕо сырыттахпына, арааһа хаһыатчыт буолар аналбар, төрөппүттэрим, тугу барытын суруна сылдьарбар үөрэппиттэрэ, такайбыттара. Ол курдук, аахпыт кинигэҕин, көрбүт киинэҕин, ханнык ат төһө бириэмэнэн кэлбитин, күрэхтэһии түмүктэрин, кыһын таһырдьа хас кыраадыс буолбутун…

Онно сиэттэрэн, кинигэттэн буоллун, «күөх экрантан» буоллун – көҥүл тустуу, футбол, Олимпиада күрэхтэһиилэрин тугу көрбүппүн, туох диэбиттэрин, ким кыайбытын анал тэтэрээттэргэ барытын сурунан, бэлиэтэнэн иһэр этим. Бу күннэргэ, Европа футболга чемпионата үгэннээн ыытылла турдаҕына, ол тэтэрээттэрбин ороон таһааран, оччотооҕу кэрэ кэмнэри санаан ылабын…

Холобура, футболга аан дойду уонна Европа чемпионаттарын тустарынан тэтэрээттэри. Онно хамаанда састаабыттан саҕалаан, оонньуу хайдах буолбутун, быһата чемпионат хаамыытын барытын сурунан иһэр этим. Ону өссө киэргэтэн, бэйэм футбол атрибуттарын уруһуйдуурум, эбэтэр, хаһыаттан кырыйан ылбыт хаартыскаларбын сыһыарарым. Ол тэтэрээттэрим билигин санаатахха, ханнык эмэ чемпионакка анаммыт ыйынньык-буклеттар эбиттэр. Бэйэтэ история! Ханнык да Википедия наадата суох. Билиҥҥи дьон тугу эмэ билээри наар Википедияны хасыһаллар. Өссө мөккүһэллэр. Оттон онно барыта хайдах буолбутун курдук буолбатах ээ… Билигин итинник спорду анаан барытын сурунар, бэлиэтэнэр киһи баар дуо?

 

 

 

Бээ, тиэмэттэн туораан хааллым. Бу сырыыга эрдэ эрэннэрбитим курдук, «Дьулурҕан» тэрийбит «Евро-2020» куонкуруһугар кыттыбыт дьоҥҥо анаан, хаартысканан ыйытык оҥоробун. Бу, ол тэтэрээттэрбиттэн ылыллыбыт сорох хаартыскалар. Онно кимнээҕин таайыахтааххыт. Сайтка http://dzulurgan.ru, матырыйаал анныгар бэйэтигэр «Комментарии» киирэн суруйаҕыт. Бу куонкурус буолбатах, бу – ыйытык, бэйэ билиитин тургутан көрүү.

Санатан эттэххэ, куонкурус кыайыылааҕа – Александр Брызгалов салайааччылаах Бүтүн Россиятааҕы ГТО физкультурнай-спортивнай комплекс Саха сиринээҕи киинин сыаналаах бирииһинэн наҕараадаланыаҕа.

Чэ, ити курдук, «Дьулурҕан» хаһыаты уонна сайты өрүү кэтээн көрө, ааҕа сылдьаргытыгар баҕарабын.

Петр ПАВЛОВ.    

6 thoughts on “Евро-2020: Хаартыскаларга кимнээҕий?

  • 29 июня, 2021 в 10:24 пп
    Permalink

    Өйдөөн кэллэххэ Лотар Маттеус, Субисаретта, Вальдеррама, Бергоми, Бутрагеньо, Скилаччи. Атыттары билбэппин.

    Ответ
    • 29 июня, 2021 в 11:01 пп
      Permalink

      Субисаретта, Бергоми суохтар :)))

      Ответ
  • 3 июля, 2021 в 11:43 пп
    Permalink

    Андрес Эскобар Колумбия,Клаудио Каниджа Аргентина,Лотар Маттеус ФРГ,Питер Шилтон Англия,Карлос Валдеррама Колумбия,Никола Берти Италия уонна Оскар Руджери Аргентина,Эмилио Бутрагеньо Испания,Тото Сальваторе Скиллачи Италия

    Ответ
    • 3 июля, 2021 в 11:51 пп
      Permalink

      Махтал, Егор. Ол гынан, Берти буолбатах, атын.

      Ответ
  • 4 июля, 2021 в 12:08 дп
    Permalink

    Де Наполи ? Альдо Серена дуу иккиттэн биирэ

    Ответ

Добавить комментарий

Ваш адрес email не будет опубликован. Обязательные поля помечены *