Евро-2020: Куонкурус кыайыылааҕын биэтэк быһаарыаҕа

Дьэ, Европа футболга чемпионата түмүктүүр түһүмэххэ тахсара чугаһаата. Финал аҥаарыгар ханнык хамаандалар тахсан киирсэллэрэ билиннэ. Ол курдук, от ыйын 6 күнүгэр Испания – Италия, от ыйын 7 күнүгэр Англия – Дания хамаандалара киирсэр буоллулар.

Оттон биһиги, «Дьулурҕан» хаһыат тэрийбит куонкурсугар киирбит сылыктааһыннары кылгастык ырытан көрүөххэйиҥ.

Дьэ, кырдьык, быйылгы чемпионат соһуччу түмүктэрдээх буолла. Аан дойду чемпионнара французтар, Европа кыайыылаахтара португалецтар, ону тэҥэ өрүү күүстээх немецтэр, бастыҥ рейтинннээх бельгиецтэр номнуо туораатылар.

Билиҥҥи туругунан «Россия хамаандата бэйэтин бөлөҕөр бүтэһик буолуо» диэн сөптөөх хоруйу биэрэн – Петр Федоров, Иван Барашков уонна Василий диэн спорду сэҥээрээччи инникилээн иһэллэр. Манна, куонкурус балаһыанньатын быһыытынан, тэҥнэһии түгэнигэр ким бэйэтин эппиэтин урут ыыппыт – ол кыайыылааҕынан тахсарын өссө төгүл санатабыт.

Финал аҥаарыгар тахсыбыт хамаандалартан Англия (Айаал Васильевич №5, Прокопий №25), Италия (Николай №7, Александр Владимирович №10, Николай Жирков №11, Петр Федоров №16), Испания (Афанасий №26, Григорий Тихонов №31, Константин №36) бастыахтара диэн билгэлээһиннэр чугас курдуктар.

Оттон Евро-2020 түмүгүнэн ким бастыҥ футболиһынан ааттаныай диэн ыйытыыга киһи эрэ барыта эппит дьоно: Мбаппе, Роналду, Лукаку, Де Брюйне, Мюллер – хотторон дьиэлээтилэр. Онон сэрэйдэххэ, итальянец Чиро Иммобиле уонна англичанин Харри Кейн диэн суруйбуттар очукуо аахсаллара буолуо.

Чэ, барытын биэтэк быһаарыаҕа. Биһиги сайтпытын кэтээн көрө сылдьыҥ, куонкурус хаамыытын туһунан өссө даҕаны сырдатан иһиэхпит.

Куонкуруска кимнээх кытыннылар диэтэххэ, бэйэлэрин билгэлээһиннэрин маннык бэрээдэгинэн, уочаратынан киллэрдилэр:

-Федор, Васильев Николай, Айал Васильевич, Максим, Болтоков Киэсэ, Евгений Дьячковскай, Николай, Гаврил Никифоров, Егор Клепандин, Александр Владимирович, Николай Жирков, Егор Капитонов, Николай Обулахов, Федора Захарова, Василий Обулахов, Петр Федоров, Иван Барашков, Николай, Платон Эверстов, Николай Петров, Константин, Леонид Александров, Александр Максимович, Семен Рожин, Прокопий Трофимов, Афанасий, Павел Ильин, Василий, Серафим Терентьев, Симак Т, Григорий Тихонов, Алексей Бурнашев, Аяна, Иван Кривогорницын, Тимур, Константин, Иван, Николай Цыпандин, Арсен Константинов, Татьяна Бурцева, Михаил, Георгий, Николай, Денис. Барыта 44 киһи.

Куонкурус кыайыылааҕа – Александр Брызгалов салайааччылаах Бүтүн Россиятааҕы ГТО физкультурнай-спортивнай комплекс Саха сиринээҕи киинин сыаналаах бирииһинэн наҕараадаланыаҕа.

«Дьулурҕан».

Добавить комментарий

Ваш адрес email не будет опубликован. Обязательные поля помечены *