Евро-2020: Куонкуруска билиҥҥитэ Петр Федоров чорбойдо

Европа футболга чемпионатын бөлөхтөргө оонньуулара түмүктэннилэр. Бу, аан дойдуга бастакы нүөмэрдээх спорт көрүҥэр «Дьулурҕан» хаһыат өрүү буоларыныы, куонкурус биллэрбитэ. Онуоха барыта 44 киһи бэйэтин билгэлээһинин ыыппыта.

Билэргит курдук, куонкурус түөрт ыйытыыттан турбута. Онно бииринэн, «Россия хамаандата бэйэтин бөлөҕөр хаһыс миэстэни ылыай?» диэн ыйытыы баара. Билиҥҥи туругунан ити ыйытыкка – киирбит сылыктааһыннары тэҥнээн көрдөххө, үс кыттааччы: Петр Федоров, Иван Барашков уонна Василий диэн спорду сэҥээрээччи, Россия футболга хамаандата бэйэтин бөлөҕөр төрдүс миэстэни ылыа диэн сөптөөх хоруйу биэрэннэр, инники таҕыстылар. Куонкурус балаһыанньатын быһыытынан, тэҥнэһии түгэнигэр ким бэйэтин эппиэтин урут ыыппыт – ол кыайыылааҕынан тахсарын өссө төгүл санатар тоҕоостоох.

Аны үс билгэлээһин түмүктэрин күүтэбит. Ким кыайарын биэтэк быһаарыаҕа. Куонкурус түмүгэ от ыйын 12 күнүгэр – Евро-2020 финальнай оонньуутун кэнниттэн таһаарыллыа. Санатан эттэххэ, куонкурус кыайыылааҕа – Бүтүн Россиятааҕы ГТО физкультурнай-спортивнай комплекс Саха сиринээҕи киинэ (салайааччы Александр Брызгалов) олохтообут сыаналаах бирииһинэн наҕараадаланыаҕа.

Финал 8/1-гэр (плейф-офф) оонньуохтара:

Бэс ыйын 26 күнүгэр

Уэльс – Дания 01:00 Амстердам

Италия – Австрия 04:00 Лондон

Бэс ыйын 27 күнүгэр

Нидерланды – Чехия 01:00 Будапешт

Бельгия – Португалия 04:00 Севилья

Бэс ыйын 28 күнүгэр

Хорватия – Испания 01:00 Копенгаген

Франция – Швейцария 04:00 Бухерест

Бэс ыйын 29 күнүгэр

Англия – Германия 01:00 Лондон

Швеция – Украина 04:00 Глазго.

«Дьулурҕан».

Добавить комментарий

Ваш адрес email не будет опубликован. Обязательные поля помечены *