Дьокуускай рингэтин кыайыылаахтара

Дьокуускай куорат физическэй култуураҕа уонна спорка управлениетын көҕүлээһининэн ахсынньы 19-22 күннэригэр Дьокуускай боксаҕа федерациятын президенэ, Ил Түмэн депутата Гаврил Парахин бирииһигэр иккис төгүлүн куорат аһаҕас чемпионата ыытылынна.

Аны сайын Аммаҕа ыытыллар СР норуоттарын спортивнай оонньууларыгар бэлэмнэнэр, хамаанданы сүүмэрдиир сыаллаах күрэхтэһии ДЮСШ-1 спортивнай саалатыгар ыытылынна. Рингэҕэ барыта 21 боксер таҕыста, кинилэр ортолоругар 4 спорт маастара, 13 маастарга кандидат күөн көрүстэ.

Киирсиилэр түмүктэринэн “Чемпионат бастыҥ боксерунан” Вахид Гадимов (ХИФУ) ааттанна. Оттон Михаил Варламов уонна Алексей Максимов киирсиилэрэ “Бастыҥ киирсиинэн” буолла. Прокопий Яковлев кыайыыга дьулуурун көрдөрдө. Чемпионат бастыҥ судьуйаларынан Николай Егоров (Покровскай) уонна Гаврил Саввин (Хатас) буоллулар. Ааттаммыт боксердар уонна судьуйалар өйдөбүнньүк бириистэринэн наҕараадаланнылар. Манна сыһыары тутан эттэххэ, чемпионат кылаабынай судьуйатынан Дархан Винокуров, кылаабынай секретарынан Сергей Протодьяконов, иккиэн республикатааҕы категориялаах судьуйалар үлэлээтилэр.

Финаллар (кыайыылаахтар инники суруллаллар):

49 кг Иван Вешников (Дьокуускай) – Мичил Михайлов (Дьокуускай).

52 кг Николай Матвеев (ОЭУ, Ньурба) – Валерий Егоров (Дьокуускай).

56 кг Асан Уулу Айтбек (ХИФУ) – Ким Сергучев (Дьокуускай).

60 кг Михаил Варламов (Дьокуускай) – Алексей Максимов (ХИФУ).

64 кг Вахид Гадимов (ХИФУ) – Прокопий Яковлев (Дьокуускай).

69 кг Айаал Аманатов (Уус Алдан) – Дмитрий Шаталов (Дьокуускай).

75 кг Омурбек Уулу Данияр (ХИФУ) – Игорь Никифоров (Дьокуускай).

81 кг Николай Корякин (Дьокуускай) – Григорий Горохов (Дьокуускай).

91 кг Дмитрий Морозенко (Дьокуускай) – Тимирбек Адылбеков (Дьокуускай).

+91 кг Вадим Лихман (Нерюнгри) – Александр Новгородов (Дьокуускай).

Эмиэ бу кэмҥэ, тэбис-тэҥҥэ 2004-2005 сс. төрөөбүт уолаттарга – норуоттар икки ардыларынааҕы кылаастаах спорт маастара Николай Жирков кэриэһигэр республикатааҕы турнир тэрилиннэ. Манна 11 хамаандаттан барыта 78 эдэр боксер кииристэ. Үс күннээх күрэхтэһии түмүгүнэн бэйэлэрин ыйааһыннарыгар кыайыылаахтарынан буоллулар:

32,5 кг – Максим Припузов, 34 кг – Тимур Стручков (иккиэн – Уус Алдан), 35,5 кг – Андрей Егоров (Хаҥалас), 37 кг – Мырзахан Карагулов (Дьокуускай, ДЮСШ-1), 38,5 кг – Павел Васильев (Уус Алдан), 40 кг – Дуолан Калитин (Хаҥалас), 41,5 кг – Антон Голиков (Дьокуускай), 43 кг – Геннадий Соломонов (Хаҥалас), 44,5 кг – Тихон Антонов (Дьокуускай), 46 кг – Илья Сивцев (Дьокуускай, ДЮСШ-1), 48 кг – Леон Никифоров (Дьокуускай), 50 кг – Платон Петров, 52 кг – Андрей Портнягин (иккиэн – Уус Алдан), 54 кг – Дмитрий Павлов (Хаҥалас), 59 кг – Габриэль Афанасьев (Нам), 62 кг – Степан Иннокентьев (Бүлүү), 65 кг – Александр Филиппов (Дьокуускай, ДЮСШ-1), 72 кг – Арылхан Крылов (Дьокуускай).

 

Петр ПАВЛОВ.    

Добавить комментарий

Ваш адрес email не будет опубликован. Обязательные поля помечены *