Дьокуускай куорат күнүгэр — күрэхтэһиилэр

Дьокуускай куорат физическэй култуураҕа уонна спорка управлениета (начаалынньык К.С. Бурцев) бу нэдиэлэҕэ, республикабыт киин куоратын күнүгэр анаан  саахымакка уонна пейнтболга күрэхтэһиини тэрийэн ыытар.

Ол курдук, түргэн саахымакка онлайн-турнир “Шахматная планета” (www.chessplanet.ru) платформаҕа, балаҕан ыйын 12 күнүгэр буолуоҕа. Күрэхтэһиигэ ким баҕарар кыттыан сөп. Оонньуу швейцарскай систиэмэнэн тоҕус туур ыытыллар.

Үс бастыҥ көрдөрүүлээхтэр мэтээлинэн, грамотанан уонна өйдөбүнньүк бириистэринэн наҕараадаланыахтара. Оттон төрдүс-алтыс миэстэлэри ылбыттар бириистэринэн бэлиэтэниэхтэрэ. Ону тэҥэ кыргыттарга, уолаттарга, бэтэрээннэргэ уонна дьахталларга бастыҥ көрдөрүүлээхтэргэ анал бириистэр оонньонуохтара.

Сайаапка субуотаҕа диэри ылыллар. Билсэр телефоҥҥут – 705 155.

Оттон спортивнай пейнтболга күрэхтэһии балаҕан ыйын 13 күнүгэр Птицефабрика түөлбэтигэр буолар. Хамаанда састааба биэс киһиттэн турар.

Күрэхтэһии үөрүүлээх аһыллыыта күнүс 12:00 чаастан ыытыллар. Салгыы 12:30-17:00 оонньуу. Онтон күрэхтэһиини түмүктээһин, кыайыылаахтары наҕараадалааһын буолуоҕа.

Дьокуускай куорат күнүгэр аналлаах күрэхтэһиилэргэ көхтөөхтүк кыттаргытыгар ыҥырабыт!

“Дьулурҕан”.  

Добавить комментарий

Ваш адрес email не будет опубликован. Обязательные поля помечены *