Дьокуускай куорат Дууматын волейболга кубога

Ааспыт өрөбүллэргэ, ол аата, алтынньы 13-14 күннэригэр “Кыайыы 50 сыла” Спорт дыбарыаһыгар Дьокуускай куорат Дууматын кубогар бэһис төгүлүн тэриллэр күрэхтэһии ыытыллыбыта. Киһи үөрүөх, бу күрэхтэһиигэ көһүтүллүбүттээҕэр элбэх хамаанда кэлэн, оонньуу уһаан тахсыбыта. Ол курдук, чугастааҕы улуустартан уонна Дьокуускай куораттан барыта 74 хамаанда күрэс былдьаспыта. Онон күрэхтэһии сүүмэрдиир курдук буолбута.

Дьахталларга бириистээх миэстэ иһин Чурапчы уонна Уус Алдан улуустарын хамаандалара киирсэллэрэ күүтүллэр. Оттон эр дьоҥҥо Чурапчы уонна “Аурум” хамаандалар күүстээхтэрин көрдөрдүлэр.

Күрэхтэһиигэ үгэс быһыытынан депутаттар хамаандалара (капитан Альберт Семенов) кыттар.

Бүтэһик быһаарыылаах оонньуулар бу субуотаҕа – алтынньы 20 күнүгэр “Стерх” спортивнай саалаҕа ыытыллыахтара.

Быһаарыылаах оонньуулар ыытыллар бириэмэлэрэ:

Дьахталлар В бөлөххө III миэстэ иһин оонньуулара: ДЮСШ2 — ЧРСШИОР 11:00

Дьахталлар А бөлөххө III миэстэ иһин оонньуулара: «Комдрагмет» — Дьокуускай 12:00

Дьахталлар В бөлөххө I миэстэ иһин оонньуулара: ЧГИФКиС — Уус Алдан 13:30

Дьахталлар А бөлөххө I миэстэ иһин оонньуулара: Амма — Чурапчы 14:30

Эр дьон В бөлөххө III миэстэ иһин оонньуулара: 29-с оскуола — НПК 11:00

Эр дьон А бөлөххө III миэстэ иһин оонньуулара: Уус Алдан — «Сахамедиа» 12:00

Эр дьон В бөлөххө I миэстэ иһин оонньуулара: «Аурум» — «Спартак» 13:30

Эр дьон А бөлөххө I миэстэ иһин оонньуулара: «Олимп» — Чурапчы 14:30.

Кыайыылаахтары наҕараадалааһын.

Петр ПАВЛОВ.

Ааптар хаартыскаҕа түһэриитэ.

Добавить комментарий

Ваш адрес email не будет опубликован. Обязательные поля помечены *