Дьокуускай куорат бастыҥ спортсменнарынан кимнээх буоллулар?

Бүгүн, ахсынньы 14 күнүгэр Дьокуускай куорат дьаһалтатын дьиэтигэр 2018 сыл спорка түмүктэрин таһаарыы буолла. Үөрүүлээх түгэҥҥэ Дьокуускай куорат баһылыгын солбуйааччы Н.Р. Степанова, куорат Думатын бэрэссэдээтэлин бастакы солбуйааччы Е.И. Евсикова, Дьокуускай куорат үөрэххэ управлениетын начаалынньыга А.К. Семенов, СР физическэй култуураҕа уонна маассабай спорка управлениетын начаалынньыга Н.Г. Цыпандин кыттыыны ылан, бастыҥнары эҕэрдэлээтилэр, өйдөбүнньүк бэлэхтэри туттардылар.

Дьокуускай куорат физическэй култуураҕа уонна спорка управлениетын начаалынньыга К.С. Бурцев ааһан эрэр сыл спорка түмүктэрин билиһиннэрдэ. Ол кэнниттэн наҕараадалааһын саҕаланна.

Ол курдук, куорат 3 №-дээх спортивнай оскуолатын тустууга тренердэрэ Иннокентий Семенович Кочкин, Егор Иннокентьевич Черкашин, ити оскуола дириэктэрин солбуйааччы Николай Петрович Иванов уонна ДЮСШ-5 волейболга тренерэ Светлана Игоревна Муратова – Дьокуускай куорат физическэй култуурата уонна спорда сайдыытыгар кылаатын иһин анал бэлиэнэн наҕараадаланнылар.

Ити кэнниттэн Дьокуускай куорат уокуруктарын уонна чугастааҕы нэһилиэнньэлээх пууннарын үгэскэ кубулуйбут комплекснай спартакиадаларын кыайыылаахтарын чиэстээһин буолла. Ол курдук, нэһилиэнньэлээх пууннарга Тулагы-Киллэм (начаалынньык Е.Г. Попов) бастакы, Пригороднай (нач. П.И. Ильдеркин) иккис, Марха (нач. М.В. Иванов) үһүс, оттон уокуруктарга Губинскай (нач. А.С. Бурцев) бастакы, Октябрьскай (нач. А.А. Ильин) иккис, Сайсаар (нач. Л.Д. Бястинов) үһүс миэстэлэри ылан, кубоктарынан уонна грамоталарынан наҕараадаланнылар.

Маны тэҥэ физическэй култуураны уонна спорду сайыннарыыга үтүөлэрин иһин куорат 21 -дээх орто оскуолата (дириэктэр С.А. Ермолаев), маассабай спорт тэнийэригэр көмөтүн иһин “Фитнесс Лайф” кулууп (салайааччы В.А. Салтыков), СР лазертагка ассоциацията (салайааччы А.Д. Дьяконов) уонна ыкса сибээстээх үлэ иһин ХИФУ Физическэй култуураҕа уонна спорка института (дирикэтэр Д.Н. Платонов) өйдөбүнньүк бэлиэлэринэн бэлиэтэннилэр.

2018 сыл түмүгүнэн бастыҥ спортсмен үөрэнээччилэринэн буоллулар: тустуук Айсен Алексеев (тренерэ П.С. Иванов), футболист Никита Кузнецов (тренерэ Ю.А. Лукашев), ытааччы Наина Гоголева (тренерэ А.Е. Сотников), дуобатчыт Алена Большакова (тренерэ В.Н. Кычкин), дзюдоистка Карина Ефимова (тренерэ М.П. Данилова), пауэрлифтер Дмитрий Ефимик (тренерэ С.С. Румянцев), охчут Сардаана Жиркова (тренерэ Г.С. Терютин), охчут Ян Константинов (тренерэ Б.Б. Олесов), чэпчэки атлет Данил Лаврентьев (тренерэ П.А. Нечаев), тустуук Айсен Жирков (тренерэ С.Е. Афанасьев), оттон Адаптивнай спорка – пауэрлифтердар Светлана Воронянская (тренерэ Ю.И. Ошепков), Александр Иванов (тренерэ Ю.И. Ошепков), Александр Каратаев (тренер А.В. Мегежекская).

Улахан дьоҥҥо 2018 сыл спорка Лауреаттарынан буоллулар: тустуук Владислав Андреев (тренерэ Б.Г. Яковлев), дуобатчыт Николай Стручков (тренерэ В.И. Кононов), мадьынылар Павел Черноградскай (тренерэ Н.Э. Константинов), Сергей Константинов (тренерэ Н.Э. Константинов), чэпчэки атлетка Диана Адасько (тренерэ П.А. Нечаев), охчут Евгения Тимофеева (тренерэ В.Н. Тимофеев), бэргэ ытааччы Айаал Макаров, чэпчэки атлетка Ирина Осипова (тренерэ Д.В. Колесов), боксер Петр Васильев (тренерэ С.И. Гандуркаев), тустуук Егор Потапов (тренерэ Н.Н. Никифоров), оттон Адаптивнай спорка – пауэрлифтер Владимир Балынец (тренерэ П.Н. Давыдов), ытааччы Евдокия Каторгина (тренерэ С.Д. Чугунов), пауэрлифтер Игорь Созонов (тренерэ П.Н. Давыдов), кинилэргэ барыларыгар бастыҥ спортсмен буолбуттарын туоһулуур анал өйдөбүнньүк бэлиэлэр туттарылыннылар.

Петр ПАВЛОВ.

 

Добавить комментарий

Ваш адрес email не будет опубликован. Обязательные поля помечены *