Дыгын оонньуутугар сүүмэрдээһин: Састаап добуоччу күүстээх!

“Триумф” Спорка бэлэмнэнии киинигэр национальнай многоборьеҕа “Дыгын оонньууларын” иккис сүүмэрдиир күрэхтэһиитигэр 23 боотур күрэхтэһиини саҕалаата.

Ол курдук – Айсен Семенов (Өлөөн), Иннокентий Колесов (Кэбээйи), Петр Прудецкай, Дьулуур Климовскай (Үөһээ Дьааҥы), Никита Новгородов, Эрэл Сивцев (Уус Алдан), Петр Старостин, Алексей Кузьмицкай, Данилтан Николаев (Чурапчы), Борис Сдвижков (Амма), Давыд Колесов, Николай Кузьмин, Тимир Сыдыкбеков (Мэҥэ Хаҥалас), Дмитрий Ноев (ХИФУ), Егор Егоров (Үөһээ Бүлүү), Егор Иовлев (Таатта), Дмитрий Петров (Бүлүү), Алексей Емельянов, Александр Пшенников (Өлүөхүмэ), Айсен Елисеев (Дьокуускай), Прокопий Колакаров (Ньурба), Сергей Гоголев, Максим Архипов (Нам) күөн көрсөллөр.

Көрөргүт курдук састаап добуоччу күүстээх. “Дыгын оонньуутун” 2014 сыллааҕы муҥутуур кыайыылааҕа Петр Старостин кыттар буолбута, түһүлгэ тыҥааһынын сытыырхатар. Бары да кыайдарбыт, үс бириистээх миэстэҕэ киирэн сыалбытын-сорукпутун ситиспит киһи дии саныыр буолуохтаахтар. Эһиги санааҕытыгар үс бастакы миэстэни кимнээх ылыахтарай?

Бүгүн бырагыраама быһыытынан “Үс төгүл үс” ыстаныы, тутум эргиир, мас тардыһыы ыытыллар. Күрэхтэһии хаамыытын Инстаграмҥа “Мой спорт” Ютуб-каналыгар көрүөххэ сөп.

“Дьулурҕан”.     

Добавить комментарий

Ваш адрес email не будет опубликован. Обязательные поля помечены *