Дуобатчыттарбыт 29 мэтээли сүгэн-көтөҕөн аҕаллылар

Балаҕан ыйын 21 күнүттэн – алтынньы 1 күнүгэр диэри Москва куорат Одинцовскай оройуонун Покровское сэлиэнньэригэр ыытыллыбыт дуобакка Россия чемпионатыгар уонна эдэрдэргэ дойду үрдүнэн биирдиилээн-хамаанданан бастыыр иһин күрэхтэһиигэ биһиги спортсменнарбыт дьоһун ситиһиилэннилэр. Барыта 9 кыһыл көмүс, 8 үрүҥ көмүс итиэннэ 12 боруонса мэтээллэри ылары ситистилэр.

Ардыгар ханнык да уус-уран, минньигэс тыллааҕар сыыппаралар, чахчылар киһиэхэ ордук тиийимтиэ буолаллар. Бу сыыппаралартан-чахчылартан хас биирдии киһи бэйэтэ-бэйэтигэр араас ырытыылары, санаалары, түмүктэри оҥоруон сөп. Холобур, ким элбэх мэтээли ылла?

Дьахталларга уонна эр дьоҥҥо Россия чемпионата

Нуучча дуобатыгар чемпионат

Классика, эр дьон: Гаврил Колесов – кыһыл көмүс

Түргэн оонньуу, эр дьон: Николай Стручков – үрүҥ көмүс

Чаҕылханныы оонньуу, эр дьон: Николай Стручков – кыһыл көмүс.

Классика, дьахталлар: Ньургуйаана Азарова – боруонса

Түргэн оонньуу, дьахталлар: Сандаара Апросимова – боруонса

Чаҕылханныы оонньуу, дьахталлар: Альбина Большакова – боруонса

Классика, эр дьоҥҥо хамаанданан (Гаврил Колесов, Николай Стручков, Николай Гуляев) — кыһыл көмүс.

Классика, дьахталларга хамаанданан (Ньургуйаана Азарова, Дайаана Кондратьева) — үрүҥ көмүс.

Сүүс харахтаах дуобакка чемпионат

Классика, дьахталлар: Матрена Ноговицына – кыһыл көмүс

Түргэн оонньуу, дьахталлар: Сандаара Апросимова – үрүҥ көмүс, Тунаара Федорова – боруонса.

Чаҕылханныы оонньуу, дьахталлар: Сандаара Апросимова – боруонса.

Хамаанданан, дьахталларга (Матрена Ноговицына, Аяника Колодезникова) — үрүҥ көмүс.

Эдэрдэргэ Россия күрэхтэһиитэ

Сүүс харахтаах дуобакка

17-гэр диэри, классика: Айсен Егоров – кыһыл көмүс

Хамаанданан (Айсен Егоров, Ньургун Куличкин, Марианна Федорова) – боруонса

20-гэр диэри уолаттарга: Максим Павлов – үрүҥ көмүс

20-гэр диэри кыргыттарга: Елена Кычкина – кыһыл көмүс, Альбина Большакова – үрүҥ көмүс, Алина Кардашевская – боруонса.

27-гэр диэри: Ксения Нахова – кыһыл көмүс.

17-гэр диэри, түргэн оонньуу: Айсен Егоров – үрүҥ көмүс, Марианна Федорова – боруонса.

Хамаанданан (Айсен Егоров, Ньургун Куличкин, Марианна Федорова) – үрүҥ көмүс

20-гэр диэри кыргыттарга: Елена Кычкина – боруонса

27-гэр диэри: Ксения Нахова – кыһыл көмүс.

17-гэр диэри чаҕылханныы оонньуу: Алексей Большаков – кыһыл көмүс, Сандаара Апросимова – боруонса.

Хамаанданан (Алексей Большаков, Айсен Егоров, Сандаара Апросимова) – кыһыл көмүс.

20-гэр диэри: Николай Григорьев – боруонса, Елена Кычкина – кыһыл көмүс, Алина Кардашевская – боруонса.

27-гэр диэри: Ксения Нахова – боруонса.

Түгэнинэн туһанан бу ситиһиигэ сыһыаннаах Саха сирин дуобакка федерациятын, бары тренердэри, дуобатчытары, күүс-көмө буолбут тэрилтэлэри уонна төрөппүттэри эҕэрдэлиибит! Өссө үрдүк ситиһиилэри баҕарабыт.

Манна даҕатан эттэххэ, Алексей Иванович Григорьев, Виталий Михайлович Пестряков хамаанда чилиэттэригэр “YakutianSport” саҥа спортивнай көстүүмү туттарбыттара – кыайыыны түстээтэ диэххэ сөп.

Петр ПАВЛОВ.

PS: хаартыскалар Россия дуобакка федерациятын сайтыттан уонна бэйэбит дуобатчыттарбытыттан ылыллан туһанылыннылар.

 

 

Добавить комментарий

Ваш адрес email не будет опубликован. Обязательные поля помечены *