Дмитрий Горохов: “Үлэбин өйөөбүт, сыаналаабыт дьоҥҥо барҕа махтал!”

Саха Республикатын Спорка, физическэй культураҕа министерствотын уонна Маассабай спорт управлениетын аатыттан сыл бастыҥнарын чиэстиир “Гранд-финал 2020” тэрээһиҥҥэ миэхэ «Лучший общественный спортивный организатор» номинация ааты анааннар, улаханнык үөрэн туран туттум.

Мин маҥнай общественник быһыытынан үлэбин 1982 сылтан саҕалаабытым. Ол курдук, Томпо, Верхоянскай оройуоннарыгар чэбдигирдэр бөлөхтөрү тэрийэн, “Игры предков”, кыһыҥҥы сүүрүүлэри саҕалааммын, нэһилиэнньэни сэргэхсиппитим уонна салгыы куоракка кэлэн, сүүрбэттэн тахса сыл общественнай үлэбин ыыта сылдьабын.

Бу үлэбин өйөөбүт, сыаналаабыт, көмөлөспүт Саха Республикатын Ил Түмэн депутатыгар Гуляев Михаил Дмитриевичка, СР Спорка, физическэй культураҕа министрыгар Григорьев Иннокентий Юрьевичка, Маассабай спорт управлениетын салайан ааспыт Прокопьев Аркадий Тихоновичка , Лыткин Матвей Ивановичка, Цыпандин Николай Гаврильевичка уонна Мохов Арнольд Альбертовичка, бары бииргэ үлэлиир общестенниктарга улахан Махталбын биллэрэбин.

Эһигини кэлэн иһэр Саҥа Дьылынан – 2021 сылынан эҕэрдэлиибин! Үлэҕитигэр ситиһиилэри, дьиэ кэргэҥҥэ тапталы, дьолу, бары үтүөнү үчүгэйи, ыраас сырдык санааны кытта элбэх да элбэх үөрууну баҕарабын!

Бырааһынньыгынан!

Дмитрий ГОРОХОВ, Саха Республикатын физическэй култуураҕа уонна спорка үтүөлээх үлэһитэ, спорт бэтэрээнэ.

Добавить комментарий

Ваш адрес email не будет опубликован. Обязательные поля помечены *