Дириэктэр тустуу историятын кэрэһэлиир альбом-паапкалара

Чурапчытааҕы Албан аат музейын дириэктэрэ, Саха Республикатын физическэй култуураҕа үтүөлээх үлэһитэ, Д.П. Коркин аатынан Саха Республикатын Государственнай бириэмийэтин лауреата, Чурапчы улууһун бочуоттаах гражданина Егор Васильевич Пудов – спорт уонна физическэй култуура сайдыытын пропагандалыырга, сырдатарга, көрдөрөргө элбэх өрүттээх үлэни ыытар. Музейга элбэх тэрээһиннэри ыытарын тэҥэ, республикатааҕы таһымнаах тэрээһиннэргэ көһө сылдьар быыстапкатын өрүү көрдөрөр үгэстээх.   

Кини былырыын Дьокуускайга ыытыллыбыт “Коркинныы олоруохха! Коркинныы айыахха!” диэн республикатааҕы быыстапкаҕа улуу тренер Дмитрий Петрович Коркиҥҥа, олимпиецтар Роман Дмитриевкэ, Павел Пинигиҥҥэ, Александр Ивановка, Николай Захаров-Сахааччаҕа, Чурапчытааҕы спортивнай интернат-оскуолаҕа о.д.а. анаан оҥорбут альбом-паапкаларын көрдөрүүгэ туруоран, спорду таптааччылар биһирэбиллэрин ылбыта.

Мантан кынаттанан Егор Васильевич быйыл “Саха сиригэр көҥүл тустуу сайдыыта” диэн алта түһүмэхтээх туспа анал альбом-паапкалары наардаан, түһүмэхтээн оҥордо. Бу оҥоһуга бэйэтэ кинигэ курдуктар, хаартыскаларынан, хаһыакка тахсыбыт суруйууларынан киэргэтиллибиттэр, бары быһаарыы суруктаахтар. Маннык альбом-паапкалар, быыстапкаҕа кыттарга анаан оҥоһуллубуттар, айаҥҥа илдьэ сылдьарга уонна быыстапкаҕа туруорарга табыгастаахтар дии санаатым.

Манна диэн эттэххэ, бу альбом-паапкалар, спорт энтузиаһа Сидор Сидорович Попов музейга бэлэхтээбит урукку спорт туһунан хаһыаттарыттан кырыллан уонна музей матырыйаалларыттан хомуллан оҥоһуллубуттар.

Егор Васильевичка маннык үйэлээх үлэни ыытарыгар махтаныахха уонна айар үлэтигэр өссө да ситиһиилэри баҕарыахха!

Петр ПАВЛОВ.  

One thought on “Дириэктэр тустуу историятын кэрэһэлиир альбом-паапкалара

  • 29 августа, 2020 в 3:53 пп
    Permalink

    Моя дочь Марися любит глядеть мультипликационные фильмы. Но, что вообще потрясно. Если я сажусь за Ваш веб-сайт, она забывает про них и усаживается ко мне, преследуя цель также получить удовольствие чтивом. Спасибо зазавлекательные подборки.

    Ответ

Добавить комментарий

Ваш адрес email не будет опубликован. Обязательные поля помечены *