Дзамболат Тедеев хамаанда састаабын биллэрдэ

Биллэрин курдук, алтынньы 20 күнүттэн Венгрия киин куоратыгар – Будапештка спортивнай тустууга аан дойду чемпионата саҕаланар. Бастакынан көбүөргэ көҥүл тустууктар тахсыахтара, салгыы дьахталлар, оттон гректии-римнии тустааччылар күрэхтэһиэхтэрэ. Бу эмиэ ураты. Урукку чемпионаттарга эр дьон көҥүл тустуута хаһан баҕарар – спортивнай тустууга аан дойду чемпионатын түмүктүүр буолара.

Бүгүн, алтынньы 3 күнүгэр, биһиги бириэмэбитинэн эбиэттэн киэһэ, Россия көҥүл тустууга сүүмэрдэммит хамаандатын кылаабынай тренерэ Дзамболат Тедеев эрчиллии кэмигэр аан дойду чемпионатыгар кыттар дойду хамаандатын састаабын иһитиннэрдэ. Сэрэйиллибитин курдук, улахан уларыйыы тахсыбата. Одинцоваҕа ыытыллыбыт Россия чемпионатын 9 кыайыылааҕа уонна Польшатааҕы, тургутан көрөр күрэхтэһиигэ Россия чемпиона Магомедрасул Идрисовы хоппут аан дойду былырыыҥҥы чемпионатын үрүҥ көмүс призера Гаджимурад Рашидов сүрүн састаапка киирдилэр.

Билсиҥ, Россия хамаандатын састааба:

57 кг – Заур Угуев (Дагестан), Европа-2018 чемпионатын үрүҥ көмүс призера.

61 кг — Гаджимурад Рашидов (Дагестан), Европа икки төгүллээх (2016, 2018) чемпиона, аан дойду-2017 чемпионатын үрүҥ көмүс призера.

65 кг — Ахмед Чакаев (Дагестан), аан дойду-2016, Европа-2017 чемпионаттарын призера.

70 кг — Магомедрасул Газимагомедов (Дагестан), аан дойду-2015 чемпиона, Европа оонньууларын-2015 кыайыылааҕа.

74 кг — Заурбек Сидаков (Хотугу Осетия), 23-гэр диэри саастаахтарга Европа-2018 күрэхтэһиитин кыайыылааҕа.

79 кг — Ахмед Гаджимагомедов (Дагестан), Европа-2018 чемпиона.

86 кг — Даурен Куруглиев (Дагестан), Европа-2017 чемпиона.

92 кг — Батырбек Цакулов (Хотугу Осетия), Россия чемпиона.

97 кг — Абдулрашид Садулаев (Дагестан), Олимпиада-2016 чемпиона, аан дойду (2014, 2015), Европа (2014, 2015, 2018) чемпионнара.

125 кг – Анзор Хизриев (С-Петербург), Россия икки төгүллээх чемпиона, аан дойду-2017 чемпионатыгар бэһис миэстэлээх.

Добавить комментарий

Ваш адрес email не будет опубликован.