Дартс оонньооччуларбыт Дальнай Востокка бастаатылар

Хабаровскайга, Дартс оонньуутугар Дальнай Восток федеральнай уокурук биирдиилээн уонна хамаанданан бастыыр иһин чемпионата ыытыллан түмүктэннэ. Саха сирин хамаандата бу күрэхтэһиигэ биэс мэтээллэннэ.

Ол курдук, эр дьон хамаанданан оонньууга кыайыыны ситиһэн, кыһыл көмүс мэтээлинэн наҕараадаланнылар. Хамаанда састаабыгар Иван Сивцев, Семен Тимофеев, Юрий Эверстов (үһүөн — Намтан) уонна Дмитрий Петров (Дьокуускай) киирэн оонньоотулар. Кинилэр бүтэһик быһаарыылаах киирсиигэ Амурскай уобалас хамаандатын 9:8 ахсаанынан кыайдылар.

Оттон дьахталлар хамаанданан оонньууга үрүҥ көмүс мэтээли ыллылар. Ити курдук, дьахталларга пааранан уонна биирдиилээн оонньууга биир дойдулаахтарбыт үс боруонса мэтээли ылары ситистилэр.

Аны спортсменнарбыт Россия чемпионатыгар ситиһиилээхтик кыттарга бэлэмнэнэллэр.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *