Дальнай Востокка сүрүн сыал ситиһилиннэ. Аны Россия чемпионата

Ааспыт өрөбүл күннэргэ Нерюнгри куоракка, көҥүл тустууга дьахталларга уонна эр дьоҥҥо Дальнай Восток чемпионата ыытыллан түмүктэннэ. Быйылгы чемпионат сүрүн уратытынан, Бурятия Республикатын уонна Забайкальскай кыраай тустууктара эбиллэн биэрэн, түһүлгэни сытыырхаттылар.

Чемпионат үөрүүлээх арыллыытыгар биир дойдулаахтарбыт Айсен Потаповка, Тимур Николаевка уонна Василий Шалугиҥҥа көҥүл тустууга Россия спордун маастардара буолалларын туоһулуур анал бэлиэлэр уонна дастабырыанньалар туттарылыннылар.

Бу чемпионат сүрүн соругунан, хас ыйааһын ахсын үс бириистээх миэстэҕэ киирбиттэр – сотору кэминэн ыытыллар Россия чемпионатыгар кыттар быраабы ылаллар. Онон сүрдээх тыҥааһыннаах, эппиэттээх күрэхтэһии буолан ааста. Ылан көрдөххө, Александр Оконешников тренердээх Саха сирин сүүмэрдэммит хамаандата сүрүн сыалын-соругун ситистэ. Россия чемпионатыгар кыттыан сөптөөх тустууктарбыт бары кэриэтэ миэстэлэстилэр.

Онон бүгүҥҥү күҥҥэ, Нерюнгрига ыытыллыбыт Дальнай Восток федеральнай уокуругун чемпионатын түмүгүнэн уонна инники Иван Ярыгин аатынан норуоттар икки ардыларынааҕы Гран-при турнирга эриэ-дэхси көрдөрүүлэммит Арыйаан Тютрин, Петр Константинов итиэннэ былырыыҥҥы Россия чемпионатын боруонса призера Михаил Иванов, аан дойду Кубогын кыайыылааҕынан буолбут Виктор Рассадин – Россия чемпионатыгар кыттар бырааптаахтар. Билиҥҥитэ 23 бөҕөс. Нерюнгри көбүөрүгэр миэстэлэспэтэх уонна кыттыбатах кэккэ тустууктарбыт аны киин федеральнай уокуруктартан уонна Россия устудьуоннарга чемпионатыттан сүүмэрдэнэр кыахтаахтар.

Оттон дьахталлар тустууларыгар Нерюнгрига – Александра Карамзина (50 кг), Антонина Николаева (53 кг), Анастасия Леханова (55 кг), Севиль Назарова (57 кг), Любовь Боярова (59 кг) уонна Ирина Афанасьева (62 кг) бастакы, Герда Данилова (50 кг), Алина Пыжик (53 кг) уонна Светлана Васильева (59 кг) иккис миэстэлэри ыллылар.

Санатан эттэххэ, Россия көҥүл тустууга чемпионата муус устар 24-26 күннэригэр Бурятия киин куоратыгар Улан Удэҕэ буолар.

Дальнай Восток чемпионатын түмүк көрдөрүүтэ:

57 кг 1. Георгий Окороков, 2. Федор Постников, 3. Михаил Иванов, Егор Потапов (бары – Саха сирэ).

61 кг 1. Ньургун Александров, 2. Петр Павлов, 3. Виталий Эспек (үһүөн – Саха сирэ), Беликто Хайдапов (Бурятия, Заб. кыраай).

65 кг 1. Баясхалан Очиров (Бурятия), 2. Айсен Потапов, 3. Дьулустаан Булатов (иккиэн – Саха сирэ), Балдан Содномов (Заб. Кыраай).

70 кг 1. Булат Батоев (Бурятия, Заб. кыраай), 2. Очир Доржиев (Бурятия), 3. Тимур Николаев, Иван Ефремов (иккиэн – Саха сирэ).

74 кг 1. Герман Устинов (Саха сирэ), 2. Арсен Шеймагомедов (Амурскай уоб.), 3. Владимир Данилов (Саха сирэ), Буян Цыденов (Бурятия).

79 кг 1. Алексей Сабидаев (Бурятия), 2. Эмиль Рамазанов (Хабаровскай), 3. Алексей Ефимов (Саха сирэ), Аюр Галсанов (Бурятия).

86 кг 1. Барас Базаров (Бурятия), 2. Максим Лубянецкай (Амурскай уоб.), 3. Мичил Шкулев (Саха сирэ), Тимур Баторов (Бурятия).

92 кг 1. Ньургун Сергин (Саха сирэ), 2. Цэдаши Дугаров (Бурятия, Заб. кыраай), 3. Булат Дашинимаев (Бурятия).

97 кг 1. Алексей Анищик, 2. Руслан Абдуллаев (иккиэн – Бурятия), 3. Харысхан Николаев (Саха сирэ).

125 кг 1. Батор Доржиев (Бурятия), 2. Даниил Иванов, 3. Никита Хабаров (иккиэн – Саха сирэ), Эрдэм Цыренжапов (Бурятия, Заб. кыраай).

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *