Государственнай сулууспалаахтар спартакиадалара

Республикатааҕы Дуобат, саахымат киинигэр И.Г. Игнатьев кэриэһигэр государственнай сулууспалаахтар уонна гражданскай сулууспа үлэһиттэрин X үбүлүөйдээх спартакиадаларын чэрчитинэн, сэтинньи 3 күнүгэр саахымакка уонна дуобакка күрэхтэһиилэр ыытылыннылар.

Саахымакка 10 хамаанда күрэс былдьаста. Түмүккэ бастакы миэстэни Н.В. Стручков, Е.Р. Самсонов, Е.Н. Егорова састааптаах АГИП хамаандата бастаата. Иккис миэстэни Үлэ министерствотын хамаандата (А.Д. Сторожев, Н.Н. Тихонов, В.А. Кулаковская) ылла. Үһүс бириистээх миэстэҕэ СР транспорка министерствотын саахыматчытара (С.С. Мигалкин, А.С. Лукин, М.И. Алексеева) таҕыстылар.

Дуобакка эмиэ 10 хамаанда оонньоото. Түмүккэ К.Ю. Николаев, С.А. Муксунов, В.Н. Захарова састааптаах АГИП хамаандата инники таҕыста. Иккис миэстэҕэ Культура уонна үөрэх министиэристибэтин хамаандата (Р.С. Оконешников, Н.Н. Иванов, С.Г. Павлова) таҕыста. Оттон үһүс миэстэҕэ СР Айылҕа харыстабылын министиэристибэтин дуобатчыттара (И.И. Кривошапкин, Н.В. Додохов, Е.Н. Луцкан) тигистилэр.

Ити туһунан “Дьулурҕан” сайтка Дуобат, саахымат республикатааҕы киинин инструктора, күрэхтэһии кылаабынай судьуйатынан үлэлээбит Бүтүн Россиятааҕы категориялаах судьуйа Гаврил Петрович Винокуров иһитиннэрэр.

Хос быһаарыы: АГИП (Саха Республикатын Ил Дарханын уонна Бырабыыталыстыбатын дьаһалтата)

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *