Водоканал кубога: Муҥутуур кыайыылаахтар Алена Васильева, Михаил Сивцев

“Водоканал” акционернай уопсастыба физкультурнай тэрээһин быһыытынан Кыайыы 75 сылыгар анаан республикатааҕы сүүрүүнү тэрийэн ыытта. Күрэхтэһии үөрүүлээх аһыллыытыгар “Водоканал” генеральнай дириэктэрэ Анатолий Андреевич Кырджагасов, сүүрүү сүрүн судьуйата Василий Афанасьевич Спиридонов, спортивнай дириэктэр Иван Симафорович Игнатьев, “Водоканал” уопсастыба сүүрүүнү таптааччыларын кулуубун толорооччу дириэктэрэ Махмуд Бахтиерович Сунхалыров кыттыыны ыллылар.

Сүүрүүгэ балачча элбэх киһи (170) күүһүн холонно. Күрэхтэһии түмүгэ от ыйын 15 күнүттэн – атырдьах ыйын 15 күнүгэр диэри ыытыллыбыт онлайн-сүүрүү кэнниттэн таһаарылынна. Тэрийээччилэр быһаарыыларынан, хас биирдии кыттааччыга өйдөбүнньүк футболкалар уонна мэтээллэр туттарылыннылар.

Сүүрүү саастарынан араарыллыбыт бөлөхтөрүнэн ыытылынна. Онно кыайыылаахтарынан буоллулар:

12-17 саастаах кыргыттар 3 км сүүрүүлэригэр Настя Филиппова, оттон эмиэ бу дистанцияҕа уолаттарга Сандал Мохначевскай, 18-39 саастаах эр дьоҥҥо 3 км – Василий Лукин, 10 км – Михаил Сивцев, 40-54 саастаах эр дьоҥҥо 3 км – Василий Готовцев, 10 км – Михаил Апросимов, 55-тэн үөһэ саастаах эр дьоҥҥо 3 км – Николай Заровняев, 10 км – Дмитрий Ноговицын, 18-34 саастаахтарга 3 км – Лидия Попова, 10 км – Алена Васильева, 35-54 саастаах дьахталларга 3 км – Ольга Файрахманова, 10 км – Полина Слободчикова, 55-тэн үөһэ саастаах дьахталларга 3  км – Валентина Доргуева, 10 км – Александра Ноева бастаатылар. Кыайыылаахтарга мэтээллэр, грамоталар уонна харчынан бириистэр туттарылыннылар.

Күрэхтэһии түмүгүнэн муҥутуур кыайыылаахтарынан дьахталларга Алена Васильева (3 км – 41:32), эр дьонҥо Михаил Сивцев (10 км – 37:07) буоллулар.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *