Василий Румянцев, Ньургун Сабарайкин – Дальнай Восток чемпионнара!

Үөрүүлээх сонун. Уссурийскайга, “Локомотив” спортивнай комплекска Дальнай Восток федеральнай уокуругун остуол тенниһигэр чемпионата ыытылынна.

Онуоха эр дьоҥҥо пааранан оонньууга Саха сирин хамаандатыттан Ньургун Сабарайкин уонна Василий Румянцев бастакы миэстэни ыллылар. Манна даҕатан эттэххэ, спорт маастара Василий Румянцев эр дьоҥҥо биирдиилээн оонньууга боруонса мэтээлинэн наҕараадаланна.

Ону тэҥэ Ольга Тихонова, Надежда Аммосова, Александра Ефимова, Арина Федорова, Вероника Степанова састааптаах Саха сирин дьахталларга хамаандата үһүс бириистээх миэстэҕэ таҕыста.

Оттон эр дьоммут хамаандата (Ньургун Сабарайкин, Михаил Кылабысов, Михаил Эртюков, Василий Румянцев, Сергей Ли) эмиэ үһүс миэстэни хааччыннылар. Хамаанда тренерэ — Родион Сидоров.

Ити туһунан dzulurgan.ru сайтка СР остуол тенниһигэр федерациятыттан, судьуйалыыр кэллиэгийэ бэрэссэдээтэлэ Михаил Платонов иһитиннэрдэ.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *