Бөҕө Тараҕай түһүлгэтэ күүстээх бөҕөстөрү муста

Олунньу 15-16 күннэригэр өрөспүүбүлүкэ үрдүнэн хапсаҕайга икки улахан түһүлгэ биир тэҥник ыытылынна. Ол курдук, икки улахан ааттаах-суоллаах сүдү тустууктарбыт Прокопий Брызгаев-Бөҕө Тараҕай уонна Василий Степанов-Буучугурас сырдык кэриэстэригэр буолар турнирдар хайдах даҕаны өрөспүүбүлүкэ ыспартыыбынай халандаарыгар кыайан ыпсыбыкка, биир күҥҥэ ананан турдулар. Чурапчы улууһун Хоптоҕо нэһилиэгэр, олимпийскэй чөмпүйүөн, СӨ Ил Түмэнин дьокутаата Павел Пинигин төрөөбүт сиригэр, улууспут биир биллэр хапсаҕайдьыта Прокопий Титович Брызгаев-Бөҕө Тараҕай бирииһигэр аналлаах өрөспүүбүлүкэ хапсаҕайга турнира икки күн ыытыллан түмүктэннэ.

Өрөспүүбүлүкэбит араас муннуктарыттан 182 бөҕөс кэлэн кыраһыабай тустууну көрдөрө сылдьар. Элбэх биллиилээх успуорт маастардара, өрөспүүбүлүкэ хапсаҕайга күүстээх састааба: Игнат Андросов, Александр Халыев, Владислав Лепчиков, Гаврил Михайлов, итиэннэ многоборецтар Петр Старостин, Айсен Ботуев о.д.а. бааллар. Турнирга анал бириистэрбит таһынан икки МР-155 автомат саалар уонна 75 киилэҕэ диэри ыйааһыннаах бөҕөстөргө муҥутуур кыайыылаах убаһанан наҕараадаланыаҕа”, – диэн Чурапчы улууһун успуорка управлениетын начаалынньыга Иван Оконешников күрэхтэһии бастакы күнүгэр билиһиннэрбитэ.

Маннык улахан таһымнаах өрөспүүбүлүкэ турнирыгар, өрөспүүбүлүкэҕэ тустуу сайдарыгар үгүс күүһү биэрбит, улууспутуттан ССРС успуордун бастакы маастара, “Бочуот Знага”, “Үлэ Кыһыл Знамята” уордьан кавалера, “Үлэҕэ килбиэнин иһин” мэтээл хаһаайына Максим Николаевич Сибиряков кэлэн ыалдьыттаата.

Хапсаҕай икки көбүөрүнэн ыытылынна.

Уопсай түмүккэ 2003 сылга диэри төрүөх уолаттарга:

50 киилэҕэ (14 бөҕөс):

1 миэстэ – Денис Спиридонов (Чурапчы);

2 миэстэ – Эрик Максимов (Чакыр-Чурапчы);

3 миэстэ – Владик Макарцов (Дириҥ-Чурапчы).

60 киилэҕэ (16 бөҕөс):

1 миэстэ – Владимир Пинигин (Дириҥ-Чурапчы);

2 миэстэ – Андриан Жерготов (Чурапчы);

3 миэстэ – Василий Саввинов (Дьокуускай-Модун);

60 киилэттэн үөһэ (7 бөҕөс):

1 миэстэ – Виталий Николаев (Чурапчы);

2 миэстэ – Петя Ксенофонтов (Чурапчы);

3 миэстэ – Миша Павлов (Чурапчы).

2002 сылга диэри төрүөх эр дьоҥҥо:

57 киилэҕэ диэри (17 бөҕөс):

1 миэстэ – Саргылан Бетюнов (Таатта);

2 миэстэ – Алексей Парников (Нам);

3 миэстэ – Айаал Лыткин (Мэҥэ Хаҥалас).

65 киилэҕэ (35 бөҕөс):

1 миэстэ – Петр Борисов (Амма);

2 миэстэ – Андрей Софронов (Хадаар-Чурапчы);

3 миэстэ – Петр Васильев (Горнай-ЧГИФКиС).

75 киилэҕэ (34 бөҕөс):

1 миэстэ – Иван Семенов (Кэбээйи);

2 миэстэ – Владислав Левчиков (Кэбээйи);

3 миэстэ – Давид Колесов (Таатта).

85 киилэҕэ (24 бөҕөс):

1 миэстэ – Айсен Ботуев (Үөһээ Бүлүү-ЧГИФКиС);

2 миэстэ – Алексей Николаев (Амма);

3 миэстэ – Аркадий Колосов (Ленскэй).

85 киилэттэн үөһэ (13 бөҕөс):

1 миэстэ – Леонид Попов (Таатта);

2 миэстэ – Айылхан Иванов (Дьокуускай);

3 миэстэ – Гаврил Михайлов (Сунтаар-Модун).

1980 сыллаах төрүөх успуорт бэтэрээннэригэр:

60 киилэҕэ (7 бөҕөс):

1 миэстэ – Ариан Васильев (Таатта);

2 миэстэ – Александр Оросин (Таатта);

3 миэстэ – Николай Иванов  (Арыылаах-Чурапчы).

70 киилэҕэ (6 бөҕөс):

1 миэстэ – Айаал Павлов (Чурапчы);

2 миэстэ – Николай Парников (Нам);

3 миэстэ – Эдуард Федоров (Чурапчы).

80 киилэҕэ (6 бөҕөс):

1 миэстэ – Александр Андреев (Дириҥ-Чурапчы);

2 миэстэ – Петр Осипов (Таатта);

3 миэстэ – Андрей Васильев (Чурапчы).

85 киилэттэн үөһэ (3 бөҕөс):

1 миэстэ – Афанасий Сивцев (Чурапчы);

2 миэстэ – Прокопий Сергеев (Амма);

3 миэстэ – Василий Винокуров (Үөһэ Халыма).

75 киилэҕэ диэри ыйааһыннаах бөҕөстөргө, муҥутуур кыайыылааҕынан, Кэбээйи улууһун бөҕөһө, СӨ хапсаҕайга успуордун маастара Владислав Левчиков буолла уонна убаһанан наҕараадаланна. Оттон 75 киилэттэн үөһээ ыйааһыҥҥа муҥутуур кыайыылаах ааты Таатта улууһуттан Леонид Попов ылан, “Суолдьут” маҕаһыынтан МР-155 автомат саа сертификатын тутта.

Тэрийээччилэр туох баар успуонсардарга, урбаанньыттарга, тириэньэрдэргэ, судьуйаларга, улуус, Хоптоҕо, Соловьев нэһилиэктэрин дьаһалталарыгар турнир олус үрдүк таһымнаахтык ааһарыгар күүс-көмө, тирэх буолбуттарыгар дириҥник махтаналлар.

Сэмэн ЖЕНДРИНСКЭЙ.

Павел Кирсанов, Туйаара Иванова хаартыскаҕа түһэриилэрэ.

Чурапчы. 

Добавить комментарий

Ваш адрес email не будет опубликован. Обязательные поля помечены *