Бүтэһик күн чурапчылар 8, дьокуускайдар 6 чемпионнаннылар

Кыайыы 50 сыла” Спорт дыбарыаһыгар саха тустууктарыттан аан маҥнайгынан оҕолорго аан дойду чемпионун аатын ылбыт Илларион Федосеев кэриэһигэр көҥүл тустууга республикатааҕы “Боотурдар оонньуулара” бэстибээл ыытыллан түмүктэннэ. Бүтэһик күн 2001-2002 уонна 2003-2004 сс. төрөөбүттэр бөлөхтөрүгэр кыайыылаахтар быһаарылыннылар.

Ол курдук, 2001-2002 сс. бэйэлэрин ыйааһыннарыгар кыайыылаахтарынан буоллулар: 45 кг – Афоня Ксенофонтов (Чурапчы), 48 кг – Валентин Бурнашев (Амма), 51 кг – Айсен Алексеев (Дьокуускай), 55 кг – Харысхал Григорьев (Сунтаар), 60 кг – Дархан Игнатьев (Чурапчы), 65 кг – Станислав Свинобоев (Мэҥэ Хаҥалас), 71 кг – Андриан Ленскэй (Чурапчы), 80 кг – Артур Дьяконов (Дьокуускай), 92 кг – Даниил Иванов (Хаҥалас), 110 кг – Эдуард Максимов (Горнай).

Оттон 2003-2004 сс. төрөөбүттэргэ бастаатылар: 35 кг – Мичил Мандаров (Чурапчы), 38 кг – Андрей Миловец (Амма), 41 кг – Лев Павлов (Сунтаар), 44 кг – Петя Гуляев (Мэҥэ Хаҥалас), 48 кг – Коля Охлопков, 52 кг – Ваня Потапов (иккиэн — Дьокуускай), 57 кг – Вова Бояновскай, 62 кг – Коля Спиридонов (иккиэн — Чурапчы), 68 кг – Айсен Жирков, 75 кг – Эмомдин Федотов (иккиэн — Дьокуускай), 85 кг – Виталий Николаев, 92 кг – Афоня Пономарев (иккиэн — Чурапчы), 92-тэн үөһэ кг – Дайан Эверстов (Нам).

Бэстибээл быйылгы балаһыанньатын быһыытынан, 2001-2002 сс. төрөөбүттэр бөлөхтөрүгэр бастыҥ тренердэринэн Михаил Каженкин (Дьокуускай), Юрий Афанасьев (Чурапчы), Кирилл Павлов (Нам) буоллулар уонна туһааннааҕынан – 30, 20, 10 тыһ. солк. сертификаттарынан наҕараадаланнылар.

Оттон 2003-2004 сыллардаахха “Бастыҥ тренердэр” ааттарын Михаил Каженкин (Дьокуускай), Альберт Макаров (Чурапчы), Николай Данилов (Сунтаар) ыллылар уонна эмиэ харчынан сертификаттары туттулар.

Маны тэҥэ “Боотурдар оонньууларын” бастыҥ судьуйаларынан – Василий Уйгуров, Петр Соловьев, Петр Сидоров ааттанан, 10-нуу тыһ. солк. сертификаттарынан наҕараадаланнылар.

Түмүктээн эттэххэ, 2007-2008 cc. төрөөбүттэргэ – 278, 2005-2006 cc. төрөөбүттэргэ – 224, 2003-2004 cc. төрөөбүттэргэ – 206, 2001-2002 cc. төрөөбүттэргэ – 134 кыттааччы, онон быйылгы “Боотурдар оонньууларыгар” барыта 842 эдэр бөҕөс күөн көрүстэ.

Добавить комментарий

Ваш адрес email не будет опубликован. Обязательные поля помечены *