Бүгүҥҥүттэн “Кыайыы 50 сыла” Спорт дыбарыаһыгар – бокс!

Саха Республикатын боксаҕа федерациятын президенинэн талыллан үлэлии сылдьыбыт Александр Иванович Федотов сырдык кэриэһигэр Бүтүн Россиятааҕы турнир ыытыллыбыта хаһыс да сыла буолла. Быйылгы турнирга Магадан, Хабаровскай, Новосибирскай, Чита, Бурятия, Краснодар, Москва, Красноярскай, Приморье, Еврейскэй автономнай уокурук, Сахалин, Тверь, Смоленскай уобаластар, Калмыкия, Кабардино-Балкария, Астрахань, Воронеж, Калуга, Самара, Владимир, Москва уобаластарын, Дагестан уонна Чечня боксердара кытталлар.

“Кыайыы 50 сыла” Спорт дыбарыаһыгар туруоруллубут рингэҕэ дойду 24 регионун боксердара күөн көрсүөхтэрэ. Саха сирин чиэһин 30 боксер көмүскүүр. Бу турнирга ситиһиилээхтик кыттыбыт боксердар Россия спордун маастарын нуорматын толоруохтара.

Манна даҕатан эттэххэ, соторутааҕыта Саха сирин Ил Дарҕана Айсен Николаев Москваҕа тиийэ сылдьан Россия боксаҕа федерациятын президенэ Умар Кремлевы кытта көрсөн кэпсэтиитин түмүгүнэн, аныгыскы сылтан Александр Федотов аатынан Бүтүн Россиятааҕы турнир – Россия чемпионатыгар сүүмэрдиир күрэхтэһиинэн буолуоҕа.

Саха сирин хамаандатын састааба:

49 кг: Николай Усов.

52 кг: Ян Максимов, Мичил Михайлов, Игорь Федотов, Николай Матвеев, Николай Григорьев, Валерий-Талбан Егоров, Александр Исаков.

56 кг: Айаал Степанов, Эрхан Лукин, Айаан Филиппов.

60 кг: Ян Алексеев, Виталий Стручков, Владимир Ноговицын, Евгений Шестаков, Алексей Максимов, Айтбек Асан Уулу.

64 кг: Прокопий Яковлев, Егор Семенов, Алквиад Иванов, Сергей Семенов,
Артем Миронов, Артур Миронов.

69 кг: Айаан Ксенофонтов, Арчын Пустоляков, Айаал Аманатов, Никита Малгин, Вахид Гадимов.

75 кг: Айбек Шеркулов, Солтовой Касымкулов, Данияр Омурбек Уулу.

81 кг: Игорь Никифоров, Сергей Укоев.

91-тэн үөһэ кг: Сергей Татаринов.

Турнир бырагыраамата

Олунньу 19 күнэ, сэрэдэ

15:00 – Барыллааһын киирсиилэр.

16:00 – Турниры үөрүүлээхтик аһыы.

Олунньу 20 күнэ, чэппиэр

15:00 – Барыллааһын киирсиилэр

Олунньу 21 күнэ, бээтинсэ

14:00 – Барыллааһын киирсиилэр

Олунньу 22 күнэ, субуота

12:00 – Финаллар. Кыайыылаахтары наҕараадалааһын.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *