Бүгүн – финал аҥарынааҕы киирсиилэр

“Кыайыы 50 сыла” Спорт дыбарыаһыгар ыытылла турар Александр Федотов кэриэһигэр боксаҕа Бүтүн Россиятааҕы турнир иккис күнүн түмүгүнэн финал аҥаарыгар кимнээх киирсэллэрэ билиннэ. Бүгүн, олунньу 21 күннээҕи паараларга Саха сирин хамаандатыттан аҕыс киһи кыттар. Кинилэр бары мэтээлгэ тигистилэр. Ол гынан баран, ханнык өҥнөөх мэтээли ылаллара күнүс 14:00 чаастан саҕаланар киирсиилэргэ быһаарыллыаҕа.

Манна сыһыары тутан эттэххэ, саха боксаҕа оскуолатын иитиллээччилэриттэн өссө билигин атын регионнартан кыттар Борис Сидоров, Айкар Олесов финалга тахсар иһин киирсиэхтэрэ.

Турнир кылаабынай секретара, Бүтүн Россиятааҕы категориялаах судьуйа Гаврил Стручков биһиэхэ иһитиннэрбитинэн, 49 киилэҕэ үс кыттааччы баар эбит. Онтон иккитэ – Саха сирин боксердара. 91 киилэҕэ кыттааччы суох, онон турнир уон оннугар – тоҕус ыйааһыҥҥа ыытыллар. Оттон саамай ыарахан ыйааһыҥҥа (91-тэн үөһэ кг) икки кыттааччы баар, иккиэн – бэйэбит дьоммут. Онон уопсай түмүккэ бу турнирга Саха сирин хамаандата 11 мэтээллэннэ диир сөп буолуо.

Санатан эттэххэ, финаллар сарсын, олунньу 22 күнүгэр күнүс 12:00 чаастан саҕаланаллар. Спорду таптааччылары, боксаны сэҥээрээччилэри Спорт дыбарыаһыгар кэлэн биир дойдулаахтарбытыгар “ыалдьаргытыгар” ыҥырабыт.

Финалга тахсар иһин киирсиилэр:

49 кг:

Михаил Прокопьев (Краснодар) – Руслан Галдин (Саха сирэ).

52 кг:

Борис Сидоров (Москва-Саха сирэ) – Эльдар Хараев (Калмыкия)

Батор Гомбоев (Бурятия) – Баир Батлаев (Бурятия).

56 кг:

Айаал Степанов (Саха сирэ) – Алик Борсов (КБР)

Жонибек Икромов (Новосибирскай) – Богдан Ильзитинов (Калмыкия).

60 кг:

Ян Алексеев (Саха сирэ) – Расул Яксыбаев (Астрахань)

Чаян Ланзы (Новосибирскай) – Виталий Стручков (Саха сирэ).

64 кг:

Илья Казаченко (Владимир) – Евгений Лелеков (Хабаровскай)

Доржо Дахаев (Бурятия) – Прокопий Яковлев (Саха сирэ).

69 кг:

Илья Мелешин (Магадан) – Айкар Олесов (Новосибирскай)

Алексей Скоромоха (Красноярскай) — Арчын Пустоляков (Саха сирэ).

75 кг:

Уткирбек Эргашев (Приморье) – Данир Омурбек (Саха сирэ)

Мургуз Загирбеков (Дагестан) – Никита Мирошниченко (Новосибирскай).

81 кг:

Артем Наролин (Новосибирскай) – Денис Мешков (Москва)

Роман Сидоров (Хабаровскай) – Сергей Укоев (Саха сирэ).

“Дьулурҕан”.

Добавить комментарий

Ваш адрес email не будет опубликован. Обязательные поля помечены *