Бэрди бэрт баһыйар

Владикавказка (Хотугу Осетия) саҕаламмыт көҥүл тустууга “Аланнар” норуоттар икки ардыларынааҕы турнирга бөҕөстөрбүт мөлтөхтүк туһуннулар. Сэмээр эрдэ билгэлээһин быһыытынан Арыйан Тютрин, Эдуард Григорьев уонна Виктор Рассадин миэстэлэһиэхтэрин сөп этэ дии санаабытым. Уопуттарын уонна инники ситиһиилэрин учуоттаан, ол эрээри, уолаттарбыт үөтэлээбэтилэр.

Аны мантан инньэ “Аланнар” турнир дойду иһигэр Россия чемпионатын курдук улахан эппиэттээх күрэхтэһиинэн ааҕыллар. Онон ирдэбил кытаанах буолуохтаах. Тоҕо диэтэргит, бу иннинэ Европа чемпионатыгар уонна Аан дойду кубогар хамаанданы сүүмэрдиир күрэхтэһии И. Ярыгин турнира эбит буоллаҕына, аны балаһыанньа уларыйда. Тустуу аан дойдутааҕы түмсүүтүн (UWW) быһаарыытынан, аны Ярыгин турнирыгар Россияттан хас ыйааһын аайы үстүү эрэ бөҕөс киирэр.

Уолаттарбыт кимнээҕи кытта хайдах тустубуттарын мантан салгыы бэриллэр сыыппаралартан-чахчылартан көрөн, бэйэҕит сыанабылла, ырытыыта оҥоруҥ.

70 кг Тимур Николаев – Дадаев (Дагестан) 4:3

57 кг Арыйан Тютрин – Гаирбеков (Дагестан) 12:8

57 кг Петр Копылов – Гуважаков (Дагестан) 0:4

61 кг Петр Павлов – Бадрудинов (Дагестан) 10:7

61 кг Эдуард Григорьев – Александр Богомоев (Бурятия) 1:3

65 кг Ньургун Скрябин – Заур Токаев (Хотугу Осетия) 3:4

65 кг Виктор Рассадин – Али (Бахрейн) 10:0

65 кг Дьулустан Булатов – Абдулла Ахмедов (Дагестан) 2:6

70 кг Тимур Николаев – Владислав Дышеков (Ставрополь) 2:3

57 кг Арыйан Тютрин – Муслим Садулаев (Чечня) 9:13

61 кг Ньургун Александров – Бека Ломтадзе (Грузия) 1:4

61 кг Петр Павлов – Александр Богомоев 0:3

65 кг Виктор Рассадин – Курбан Шираев (Дагестан) ыраастык хотторуу.

Күрэхтэһии салҕанан барар. Онон түмүк оҥорбокко, түгэҕин кэтэһиэххэйиҥ. Билигин да финалга кимнээх тахсыбыттара биллибэт. Баҕар уолаттарбыт “уоскутар” бөлөххө киирэн салгыы тустуохтарын эмиэ сөп. Этэргэ дылы, эрэл кыыма бүтэһиккэ тиийэн умуллар.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *