Бэргэн ытааччылар, кыраҕы харахтаахтар күрэхтэстилэр

 

Ааспыт субуотаҕа куорат 4 нүөмэрдээх спортивнай оскуолатыгар пневматическай сэбинэн ытыыга Дьокуускай куорат үөрэнээччилэргэ аһаҕас күрэхтэһиитэ ыытыллан түмүктэннэ. Манна куорат үөрэнээччилэрин тэҥэ, Горнай уонна Амма спортсменнара кытыннылар. Күрэхтэһии кылаабынай судьуйатынан М.М. Васильев, кылаабынай сэкиритээринэн Л.Г. Ноговицына үлэлээтилэр.

Онуоха уолаттарга ытыы ВП-40 көрүҥэр спорт маастарыгар кандидат Данил Кривошеев (ДЮСШ-4) түөрт ытыы түмүгүнэн 383 очукуону хомуйан эрэллээхтик бастаата. Горнайтан бастакы разрядтаах Виссарион Старостин 376 очукуолаах иккис миэстэни ылла. Үһүс бириистээх миэстэҕэ Данил Осипов (ДЮСШ-4) таҕыста.

Кыргыттарга Катя Алексеева (“Дохсун”) 389 очукуолаах бастакы миэстэни сурунна уонна маастарга кандидат нуорматын толордо. Иккис миэстэни Динара Жураева (ДЮСШ-2) ылла. Кини кыайыылаахтан түөрт эрэ очукуонан хаалла. Лена Руфова (ДЮСШ-4) үһүс миэстэҕэ таҕыста.

Оттон ытыы ПП-40 көрүҥэр уолаттарга 16 кыттааччыттан Пантелеймон Куприянов (ДЮСШ-5) бастакы, Николай Готовцев (“Дохсун”) иккис, Аян Кириллин (ДЮСШ-5) үһүс буоллулар. Кыргыттарга бириистээх миэстэни туһааннааҕынан Жанна Колосова (ДЮСШ-4), Валерия Петрова (Горнай), Наина Гоголева (“Дохсун”) ыллылар.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *