Бырааттыы Петровтар кэриэстэригэр

Бу күннэргэ Майаҕа (Мэҥэ Хаҥалас), бииргэ төрөөбүт бырааттыылар – Саха АССР үтүөлээх тренерэ, ССРС спордун маастара С.Г Петров, Саха Республикатын физическэй култуураҕа уонна спорка туйгуна Н.Г. Петров кэриэстэригэр көҥүл тустууга оҕолорго республикатааҕы турнир ыытылынна.

Күрэхтэһиигэ Мэҥэ Хаҥалас, Хаҥалас, Уус Алдан, Нам, Амма улуустарын, Дьокуускай 3 уонна 5 №-дээх спортивнай оскуолаларын, Хатас уонна Майа, Төҥүлү, Хара, Аллараа Бэстээх, Матта, Павловскай эдэр бөҕөстөрө кыттыыны ыллылар.

Түмүккэ бэйэлэрин ыйааһыннарыгар түһүлгэ кыайыылаахтарынан буоллулар: 26 кг – Петя Иванов (Хаҥалас), 28 кг – Ньургун Птицын, 30 кг – Рамиль Егоров (иккиэн — Төҥүлү), 32 кг – Ньургустан Артахинов (Нам), 35 кг – Эдик Ябловскай, 38 кг – Арсений Атласов (иккиэн — Хара), 42 кг – Алеша Сухарев (ДЮСШ-5), 46 кг – Петя Гуляев (Хара), 50 кг – Айыллаан Романов (Нам), 55 кг – Стас Шестаков (Хара), 60 кг – Игорь Гермогенов (Нам), 65 кг – Федя Кычкин (Төҥүлү), 70 кг – Мефодий Саввинов (I Дьөмкөн), 70-тан үөһэ кг – Миша Нестеров (Амма, ДЮСШ-5).

Турнир кылаабынай судьуйатынан – норуоттар икки ардыларынааҕы категориялаах судьуйа Аркадий Тастыгин, кылаабынай сэкиритээринэн – республикатааҕы категориялаах судьуйа Андриан Захаров үлэлээтилэр.

Добавить комментарий

Ваш адрес email не будет опубликован. Обязательные поля помечены *