Былырыыҥҥы түмүк хайдах этэй?


«Триумф» Спорка бэлэмнэнии киинигэр үгэннээн ыытылла турар Россия боксаҕа XVII чемпионатыгар дойду бастыҥ боксердара күөн көрсө, илин былдьаһа сылдьаллар. Былырыын Чечня Республикатын киин куоратыгар – Грознайга буолбут Россия чемпионатын кыайыылаахтарыттан арай 64 киилэҕэ бастаабыт Адлан Абдурашитов эрэ кэлбэтэх, уоннааҕы чемпионнар бары бааллар.

Биһиги чемпионаппыт саамай улахан ааттаах-суоллаах боксердарынан буолаллар: Россия уонна Европа иккилии төгүллээх чемпиона, аан дойду чемпионатын үрүҥ көмүс призера Василий Егоров (Саха сирэ, 49 кг); Россия уонна Европа чемпиона, аан дойду чемпионатын үрүҥ көмүс призера Эдуард Абзалимов (Челябинскай, 56 кг); Лондоннааҕы-2012 Олимпиада боруонса призера, Россия биэс төгүллээх чемпиона Андрей Замковой (Москва, 69 кг); Россия уонна Европа чемпиона, Европа дойдуларын оонньууларын боруонса призера Максим Коптяков (Севастополь, 75 кг). Манна даҕатан эттэххэ, кинилэр төрдүөн – Россия спордун үтүөлээх маастардара.

Грознайдааҕы чемпионат бастыҥ боксерунан – 60 киилэ кыайыылааҕа Альберт Батыргазиев (ХМАО-Югра) ааттаммыта. Манна даҕатан эттэххэ, соторутааҕыта Элистаҕа (Калмыкия) устудьуоннарга аан дойду боксаҕа чемпионатыгар тиийэн сэкиритээринэн үлэлээбит Бүтүн Россиятааҕы категориялаах судьуйа, суруналыыс Гаврил Стручков иһитиннэрбитинэн, биир дойдулаахпыт, “Панчер” кулууп салайааччыта, спорт маастарыгар кандидат Филипп Седых – Россия бастыҥ боксеругар 20 тыһ. солк. бириис олохтообут.

Россия боксаҕа чемпионата. Грознай, Чечня, 1-9.10.2017

49 кг 1. Соян Артыш – Новосибирскай 2. Батор Сагалуев – Бурятия 3. Доржо Раднаев – Бурятия, 3. Эдмонд Худоян – Челябинскай.

52 кг 1. Вадим Кудряков – Крым 2. Расул Салиев – Дагестан 3. Эльбрус Солтуханов – Чечня, 3. Артур Ложников – Новосибирскай.

56 кг 1. Бахтовар Назиров – ХМАО 2. Шахриер Ахмедов – Новосибирскай 3. Эдуард Абзалимов – Челябинскай, 3. Овик Оганисян – Москва.

60 кг 1. Альберт Батыргазиев – ХМАО 2. Артур Субханкулов – Башкортостан 3. Фёдор Степанов – Санкт-Петербург, 3. Анатолий Григорян – Краснодар.

64 кг 1. Адлан Абдурашитов – Чечня 2. Алимхан Бакаев – Чечня 3. Григорий Лизуненко – ХМАО, 3. Алексей Мазур – Санкт-Петербург.

69 кг 1. Андрей Замковой – Москва 2. Харитон Агрба – Доннааҕы Ростов 3. Шамиль Мальсагов – Чечня, 3. Степан Хитарян – Тула.

75 кг 1. Шамиль Хатаев – Чечня 2. Александр Агафонов – Москва 3. Керим-Абдул Тапаев – Чечня, 3. Глеб Бакши – Севастополь.

81 кг 1. Раджаб Раджабов – Москва 2. Имам Хатаев – Чечня 3. Артём Агеев – Москва, 3. Георгий Кушиташвили – Бурятия.

91 кг 1. Садам Магомедов – Дагестан 2. Илья Квасников – Череповец 3. Шамиль Мансуров – Чечня, 3. Василий Зверян – Иркутскай.

+91 кг 1. Магомед Омаров – Дагестан 2. Максим Бабанин – Волгоград 3. Руслан Чобанов – Красноярскай, 3. Иван Верясов – Санкт-Петербург.

Петр ПАВЛОВ.

Хаартыскаҕа: норуоттар икки ардыларынааҕы кылаастаах спорт маастара, Россия 2017 сыллааҕы чемпионатын бастыҥ боксера Альберт Батыргазиев (Нижневартовскай).

Ааптар түһэриитэ.

Добавить комментарий

Ваш адрес email не будет опубликован. Обязательные поля помечены *