Бурятияҕа, Борис Будаев бирииһигэр


Бу күннэргэ, ол эбэтэр, алтынньы 26-27 күннэригэр Улан-Удэ куорат физкультурнай-спортивнай комплексыгар – ССРС, Европа, Азия, аан дойду чемпиона, спорт үтүөлээх маастара Борис Будаев бирииһигэр 21-гэр диэри саастаах эдэр бөҕөстөр ортолоругар норуоттар икки ардыларынааҕы турнир ыытылла турар.

Турнирга Саха сириттэн эмиэ кытталлар. Ол курдук, Гаврил Макаров, Дьулус Федотов, Любомир Ашеин, Михаил Васильев, Быйаман Яковлев, Юрий Сивцев, Прокопий Ефимов, Юрий Сыромятников, Петр Копылов – 57 киилэҕэ, Владислав Кривошапкин – 61 киилэҕэ, Ньургун Андреев – 65 киилэҕэ, Стив Попов уонна Василий Кириллин – 70 киилэҕэ, Илларион Рожин – 79 кг ыйаһыҥҥа кытталлар.

Уолаттарбытыгар ситиһиини баҕарабыт! Уонна турниры кыраҕытык кэтээн көрөбүт.

Түһүлгэ бырагыраамата:

Алтынньы 26 күнэ, бээтинсэ

11.00-20.00 — 57,61, 65, 70, 74,79, 86, 97, 125 кг ыйааһыннарга барыллааһын хапсыһыылар.

16.00-16.30 — турниры үөрүүлээхтик аһыы.

Алтынньы 27 күн, субуота

11.00-14.30 — 57, 61, 65, 70, 74, 79, 86, 92, 97, 125 кг ыйааһыннарга финал иннинээҕи хапсыһыылар.

15.00-17.00 — Финаллар. Кыайыылаахтары наҕараадалааһын.

«Дьулурҕан».

2 thoughts on “Бурятияҕа, Борис Будаев бирииһигэр

  • 26 октября, 2018 в 7:00 пп
    Permalink

    Бурятияттан иһитиннэрбиттэринэн, 57 киилэҕэ иккис эргииргэ Гаврил Макаров уонна Дьулус Федотов бэйэ-бэйэлэрин кытта тустар буолбуттар. Оттон Быйаман Яковлев бурят Дондоковтыын, Петр Копылов эмиэ бурят Жамсарановтыын тустар буолбуттар. Бу ыйааһыҥҥа атын уолаттарбыт хотторбуттар.

    Ответ
  • 26 октября, 2018 в 7:05 пп
    Permalink

    Оттон 61 киилэҕэ Антон Хорашевпыт икки кыайыылаах. Ити курдук, иккис эргииргэ Владислав Кривошапкин бурят Доржиевтыын, оттон Христофор Потапов бурят Якушевскайдыын тустуохтара.

    Ответ

Добавить комментарий

Ваш адрес email не будет опубликован.