Бочуоттаах ыалдьытынан Бату Хасиков кэлиэҕэ

Муус устар 5-10 күннэригэр Дьокуускайга кикбоксинг К-1 көрүҥэр улахан дьоҥҥо Россия чемпионата уонна эдэрдэргэ Россия күрэхтэһиитэ ыытыллаары турар.

Манна барыта Россия 40 регионуттан 300-чэкэ спортсмен кэлэрэ күүтүллэр. Чемпионат, биир дойдулаахпыт Александр Иванов аан дойдуга бастаабытыгар уонна Россия кикбоксиҥҥа федерацията тэриллибитэ 30 сылыгар ананан ыытыллар. Саха сирин хамаандатыттан чемпионакка 22, оттон эдэрдэр күрэхтэһиилэригэр 25 спортсмен кыттыахтаах. Кинилэр ортолоругар Денис Андреев, Виталий Филиппов, Айаал Местников, Петр Васильев курдук күүстээх кикбоксердар бааллар.

Бу улахан тэрээһиҥҥэ Бочуоттаах ыалдьытынан Калмыкия Республикатын баһылыга, кикбоксиҥҥа профессионалларга аан дойду хас да төгүллээх чемпиона Бату Хасиков кэлэрэ көһүтүллэр.

Хамаандалар муус устар 5 күнүттэн кэлэллэр. Бу улахан күрэхтэһиинэн сибээстээн пресс-конференция, кикбоксиҥҥа аналлаах саҥа кинигэлэри сүрэхтээһин, «төгүрүк остуол», судьуйалар семинардара курдук тэрээһиннэр былааннаналлар.

Киирсиилэр муус устар 6 күнүттэн «Триумф» Спорка бэлэмнэнии киинигэр саҕаланаллар. Чемпион аатын быһаарар бүтэһик быһаарыылаах киирсиилэр муус устар 10 күнүгэр буолуохтара.

«Дьулурҕан».   

Добавить комментарий

Ваш адрес email не будет опубликован. Обязательные поля помечены *