Борис Борисов кэриэһигэр түһүлгэҕэ кимнээх бастаатылар?

Бүгүн, В.П. Керемясов аатынан Дьокуускай куорат 3 №-дээх спортивнай оскуолатын саалатыгар ССРС спордун маастара Борис Борисов кэриэһигэр Автодорожнай уокурук көҥүл тустууга республикатааҕы аһаҕас күрэхтэһиитэ ыытылынна.

Күрэхтэһиигэ 19 хамаандаттан, ол иһигэр Монголияттан барыта 186 эдэр бөҕөс кыттыыны ылла.

Ыйааһыннарын бэрээдэгинэн кыайыылаахтарынан буоллулар:

2007-2008 сс. төрөөбүттэргэ: 31 кг – Эрсан Максимов (Үөһээ Бүлүү, тренерэ В.В. Литвинов), 35 кг – Аслан Шишканов (ДЮСШ-3, тренердэрэ Н.Г. Яковлев, И.С. Кочкин).

2005-2006 сс. төрөөбүттэргэ: 35 кг – Ян Катакинов (Чурапчы, тренерэ Ю.В. Афанасьев), 38 кг – Данил Мохначевскай (Уус Алдан, тренерэ С.Г. Петухов).

2002-2003 сс. төрөөбүттэргэ: 45 кг – Арсен Макаров (Чурапчы, тренерэ А.Г. Макаров), 48 кг – Нэргуй Очир-Эрдэнэ (Монголия), 51 кг – Егор Явловскай (Чурапчы, тренерэ М.А. Явловскай), 55 кг – Айсен Алексеев (ОЭУ, тренердэрэ М.М. Каженкин, П.С. Иванов), 60 кг – Афанасий Дмитриев (ДЮСШ-3, тренердэрэ В.В. Уйгуров, И.И. Соркомов), 65 кг – Эльшад Агаев (ОЭУ, тренердэрэ И.И. Соркомов, П.С. Иванов), 71 кг – Стас Свинобоев (ОЭУ, тренерэ В.П. Уваров), 80 кг – Ренат Чердонов (ДЮСШ-3, тренерэ И.С. Кочкин), 92 кг – Эрдэнэ Туйаа Угангерел (Монголия), 110 кг – Даниил Иванов (ОЭУ, тренердэрэ А.А. Петров, В.П. Уваров).

Монголияттан 12 бөҕөс кыттыбытыттан – ити 48 уонна 92 кг ыйааһыннарга чемпионнаахтар. Ону тэҥэ 55 киилэҕэ Энхиям Ганбаатар үһүс, 110 киилэҕэ Тэрбим Итгэлт иккис миэстэлэри ыллылар.

Күрэхтэһии кылаабынай судьуйатынан – республикатааҕы категориялаах судьуйа, ССРС спордун маастара Михаил Каженкин, оттон кылаабынай секретарынан – эмиэ республикатааҕы категориялаах судьуйа, Россия спордун маастара Вячеслав Кривошапкин үлэлээтилэр.

Петр ПАВЛОВ.

 

Добавить комментарий

Ваш адрес email не будет опубликован.