«Боотурдар оонньуулара» саҕаланнылар!

Саха бөҕөстөрүттэн маҥнайгынан уолаттарга аан дойду чемпионун аатын ылбыт Илларион Федосеев бирииһигэр 2001-2002, 2003-2004, 2005-2006, 2007-2008 сс. төрөөбүт уолаттар көҥүл тустууга “Боотурдар оонньуулара” республикатааҕы аһаҕас бэстибээллэрэ бүгүҥҥүттэн Дьокуускайга, “Кыайыы 50 сыла” Спорт дыбарыагар саҕаланна.

Бэстибээл балаҕан ыйын 12-тэн 16-гар диэри ыытыллар. Бүгүн күрэхтэһиини 2007-2008 сс төрөөбүттэр саҕалаатылар. Бырагыраама быһыытынан, кинилэр барыллааһын хапсыһыылары ыыталлар.

Сарсын, балаҕан ыйын 13 күнүгэр күрэхтэһии сарсыарда 10:00 чаастан саҕаланар.

Күрэхтэһии кылаабынай судьуйатынан – норуоттар икки ардыларынааҕы категориялаах судьуйа Аркадий Тастыгин үлэлиир.

Тустуу аан дойдутааҕы түмсүүтүн (UWW) балаһыанньатын быһыытынан, кыттааччылар маннык ыйааһыннарга тусталлар:

2001-2002 сс. төрөөбүт уолаттар – 45, 48, 51, 55, 60, 65, 71, 80, 92, 110 кг ыйааһыннарга.

2003-2004 сс. — 35, 38, 41, 44, 48, 52, 57, 62, 68, 75, 85, 92 уонна 92-тэн үөһэ кг.

2005-2006 сс. — 26, 28, 30, 32, 35, 38, 42, 46, 50, 55, 60, 65, 70 уонна 70-тэн үөһэ кг.

2007-2008 сс. — 24, 26, 28, 30, 32, 35, 38, 42, 46, 50, 55, 60, 65 уонна 65-тэн үөһэ кг.

Ити курдук, күрэхтэһии UWW быраабылатынан ыытыллар.

Бэстибээл кыайыылаахтара уонна призердара – мэтээллэринэн, грамоталарынан уонна анал бириистэринэн наҕараадаланыахтара.

Хас биирдии ыйааһын аайы кыайыылааҕы бэлэмнээбит тренердэр харчынан бириэмийэлэниэхтэрэ. Ол курдук, бастакы миэстэ иһин – 30, иккис миэстэ иһин – 20, үһүс миэстэ иһин – 10 тыһ. солк. харчынан бириэмийэлэниэхтэрэ. Оттон күрэхтэһии бастыҥ судьуйата – 10 тыһ. солк. харчынан бэлиэтэниэ.

Санатан эттэххэ, быйылгы “Боотурдар оонньуулара” Чурапчыга ыытыллыахтаах этэ, ону айан суола-ииһэ куһаҕан буолан, республика киин куоратыгар тэрийэргэ быһаардылар.

Добавить комментарий

Ваш адрес email не будет опубликован. Обязательные поля помечены *