Бокс: Россия чемпионатыгар сүүмэрдээһин

«Кыайыы 50 сыла» аатынан Спорт дыбарыаһыгар бокса федерациятын президенинэн үлэлии сылдьыбыт Александр Иванович Федотов сырдык кэриэһигэр эр дьоҥҥо «А» категориялаах Бүтүн Россиятааҕы турнир ыытылла турар. Бу эппиэттээх күрэхтэһии. Тоҕо диэтэргит, манна ситиһиилээх кыттыбыттар, Россия чемпионатыгар кыттар быраабы ылыахтара. Итиэннэ бу түһүлгэ маастар нуормата толоруулааҕын бэлиэтиэххэ сөп.

Рингэҕэ уон ыйааһыҥҥа барыта 59 боксёр киирсэр. Бүгүн, күрэхтэһии иккис күнэ. Барыллааһын киирсиилэр күнүс 14:00 чаастан саҕаланаллар. Кыайыылаахтар от ыйын 31 күнүгэр быһаарыллыахтара.

Күрэхтэһии техническэй делегатынан норуоттар икки ардыларынааҕы категориялаах судьуйа С.Н. Бердник (Москва) кэллэ. Оттон кылаабынай судьуйанан С.С. Румянцев, кылаабынай секретарынан С.П. Протодьяконов үлэлииллэр.

Бэҕэһээ, бырагыраама быһыытынан сэттэ киирсии ыытылынна. Онуоха 56 киилэҕэ биһигиттэн Айаал Степанов уонна Эрхан Лукин бэйэлэрин дьоно Кирилл Хлебниковы, Георгий Васильевы хоттулар.

Оттон 64 кг ыйааһыҥҥа Сергей Семенов – Аман Трофимовы, Саид Максимов – Алексей Климцевы (ХМАО), 52 киилэҕэ маастар Николай Григорьев – Игорь Федотовы кыайталаатылар.

Аны бүгүн киирсиэхтэрэ:

52 кг Евгений Мартынов (С-Петербург) – Валентин Платонов (Саха сирэ)

60 кг Виталий Стручков – Валентин Гатилов

64 кг Владислав Дьяконов – Карл Данилов

64 кг Александр Сорокин (Башкортостан) – Сергей Семенов

75 кг Егор Пахомов – Элмар Омаров

75 кг Николай Бетюнскай – Егор Шапошинскай (Иркутскай)

81 кг Р.Хачоян (Самара) – Андрей Эстехин (Башкортостан)

81 кг Денис Мешков (Москва уоб.) – Сергей Укоев

81 кг Андрей Ганеев (Башкортостан) – Кирилл Демин (Новосибирскай).

Санатан эттэххэ, күрэхтэһии көрөөччүтэ суох ыытыллар.

«Дьулурҕан».      

Добавить комментарий

Ваш адрес email не будет опубликован. Обязательные поля помечены *