Билсиҥ, Дыгын оонньуутун-2020 кыттыылаахтара

Эрдэ былааннаммытын быһыытынан ахсынньы 5-6 күннэригэр “Триумф” спортивнай комплекска национальнай многоборьеҕа “Дыгын оонньууларын” быйылгы сылга быһаарыылаах күрэхтэһиитэ ыытыллаары турар. Уон түөрт боотур биир мөлүйүөннээх бириис иһин күөн көрсүөҕэ. Күрэхтэһиини “Саха” национальнай көрдөрөр-иһитиннэрэр хампаанньа “күөх экранынан” быһа көрдөрүө.

Никита Новгородов (Уус Алдан улууһун Дүпсүн нэһилиэгэ). 2000 с. төрөөбүтэ. Үрдүгэ 180 см, ыйааһына 70 кг. Национальнай многоборьеҕа спорт маастарыгар кандидат. Тренерэ – И.П. Белолюбскай. Ситиһиитэ: П.Е. Лугинов – Ууһут Бүөтүр бирииһигэр национальнай многоборье кыайыылааҕа (Баатаҕай, 2019), национальнай многоборьеҕа республика чемпионатын 70-тан үөһэ кг – үһүс миэстэ (2020).

Дьулустаан Ноговицын (Горнай, Маҕырас). 1990 с. төрөөбүтэ. Үрдүгэ 178 см, ыйааһына 85 кг. Мас-рестлиҥҥэ РФ уонна СР спортарын маастара. Тренерэ – И.П. Белолюбскай. Ситиһиитэ: мас-рестлиҥҥэ Саха сирин, Россия, аан дойду чемпиона, национальнай многоборьеҕа республика чемпиона, Иван Белолюбскай бирииһигэр республикатааҕы күрэхтэһии кыайыылааҕа.

Алексей Уваровскай (Кэбээйи). 1999 с. төрөөбүтэ. Үрдүгэ 173 см, ыйааһына 73 кг. Национальнай многоборьеҕа уонна сахалыы ыстаныыларга спорт маастара. Тренердэрэ – И.П. Белолюбскай, Н.Н. Иванов. Ситиһиилэрэ: Манчаары спартакиадатын ыстаҥаҕа үрүҥ көмүс призера (2017), национальнай многоборьеҕа республика чемпионатын 70 кг диэри кыайыылааҕа (2020) уонна үрүҥ көмүс призера (2019).

Иннокентий Колесов (Кэбээйи). 1992 с. төрөөбүт. Үрдүгэ 178 см, ыйааһына 78 кг. Тренерэ – Д.В. Заболоцкай. Ситиһиилэрэ: 2018-2019 сс. Дыгын оонньууларын кыттыылааҕа.

Айсен Семенов (Өлөөн). 1991 с. төрөөбүтэ. Үрдүгэ 170 см, ыйааһына 81 кг. Мас-рестлиҥҥэ СР спордун маастара. Тренерэ – И.П. Белолюбскай. Ситиһиилэрэ: национальнай многоборьеҕа Иннокентий Макаров бирииһигэр республикатааҕы турнирга үһүс миэстэ (2015), Ыччат ыһыаҕар үһүс миэстэ (2017), мас-рестлиҥҥэ республика чемпиона (2019), хапсаҕайга Саха сирин чемпионатын үһүс призера (2019).

Павел Друзьянов (Чурапчы). 1993 с. төрөөбүтэ. Үрдүгэ 176 см, ыйааһына 85 кг. Национальнай многоборьеҕа спорт маастара. Тренерэ – И.П. Белолюбскай. Ситиһиилэрэ: национальнай многоборьеҕа республика чемпионатын икки төгүллээх үһүс призера (2019, 2020).

Егор Свинобоев (Мэҥэ Хаҥалас). 1997 с. төрөөбүтэ. Мас-рестлиҥҥэ уонна национальнай многоборьеҕа спорт маастарыгар кандидат. Тренерэ – И.П. Белолюбскай. Ситиһиилэрэ: мас-рестлиҥҥэ «Көмүс мас» турнир кыайыылааҕа, национальнай многоборьеҕа республика чемпионатын үһүс призера (2019, 2020).

Алексей Протодьяконов (Томпо). 1995 с. төрөөбүтэ. Үрдүгэ 185 см, ыйааһына 84 кг. Сахалыы ыстаныыларга спорт маастара. Тренерэ – А.Е. Харитонов. Ситиһиилэрэ: пятиборьеҕа Г.Д. Протодьяконов бирииһин кыайыылааҕа, мас-рестлиҥҥэ республика эдэрдэргэ күрэхтэһиитин кыайыылааҕа (2013), ушу-саньдаҕа республика чемпиона (2017).

Николай Матаннанов (Таатта). 1991 с. төрөөбүтэ. Үрдүгэ 178 см, ыйааһына 83 кг. Сахалыы ыстаныыларга уонна хотугу многоборьеҕа спорт маастара, мас-рестлиҥҥэ маастарга кандидат. Тренерэ – И.П. Белолюбскай. Ситиһиилэрэ: национальнай многоборьеҕа Манчаары оонньуутун абсолютнай чемпиона, Дыгын оонньууларын үрүҥ көмүс призера, бодибилдиҥҥэ СР Гран-притын 75 киилэҕэ кыайыылааҕа, Иван Белолюбскай бирииһигэр республикатааҕы турнир хас да төгүллээх призера.

Леонид Филиппов (Амма). 1990 с. төрөөбүтэ. Үрдүгэ 173 см, ыйааһына 77 кг. Сахалыы ыстаныыларга уонна национальнай многоборьеҕа спорт маастара. Ситиһиилэрэ: национальнай многоборьеҕа Сахаачча оонньууларын кыайыылааҕа (2016), Дыгын оонньуутугар сүүмэрдиир күрэхтэһии иккис призера (2018), Иван Белолюбскай бирииһигэр республикатааҕы турнирга үһүс миэстэлээх (2019), национальнай многоборьеҕа республика чемпионатын 70 кг диэри кыайыылааҕа (2019), Дыгын оонньуутугар сүүмэрдиир күрэхтэһии үһүс призера (2019), Дыгын оонньуутун финалыгар үһүс (2019), чэпчэки атлетикаҕа (шведскай эстафета) СР норуоттарын спортивнай оонньууларын кыайыылааҕа уонна рекордсмена (2019). Краповай берет хаһаайына.

Владимир Федоров (Ньурба). 1992 с. төрөөбүтэ. Үрдүгэ 180 см, ыйааһына 90 кг. Сахалыы ыстаныыларга, хапсаҕайга, национальнай многоборьеҕа спорт маастара. Тренерэ – П.Н. Давыдов. Ситиһиилэрэ: национальнай многоборьеҕа Ыччат ыһыаҕын кыайыылааҕа (2013), силовой многоборьеҕа Анатолий Баишев бирииһигэр турнир кыайыылааҕа (2018), национальнай многоборьеҕа республика чемпионатын үһүс призера (2019), хапсаҕайга Алроса кубогын абсолютнай чемпиона (2020), национальнай многоборьеҕа республика чемпиона (2020).

Артём Варданян (Нам). 1992 с. төрөөбүтэ. Үрдүгэ 175 см, ыйааһына 80 кг. Мас-рестлиҥҥэ спорт маастара. Тренерэ – Ю.А. Эверстов. Ситиһиилэрэ: Дыгын оонньуутун үһүс (2016), иккис (2017, 2019) призера, национальнай многоборьеҕа «Чемпион кубогар» иккис миэстэлээх (2018, 2019), Ердынскай оонньуу икки төгүллээх кыайыылааҕа (2012, 2016).

Егор Филиппов (Хаҥалас). 1990 с. төрөөбүтэ. Үрдүгэ 182 см, ыйааһына 90 кг. Национальнай многоборьеҕа спорт маастара. Тренерэ – И.П. Белолюбскай. Ситиһиилэрэ: Дыгын оонньуутун түөрт төгүллээх абсолютнай кыайыылааҕа (2016, 2017, 2018, 2019).

Хомойуох иһин, Дыгын оонньуутун абсолютнай кыайыылааҕа (2014) уонна иккис призера (2015) Петр Старостин (Чурапчы) эрчиллии кэмигэр эчэйии ылан, буолаары турар күрэхтэһиигэ кыттыбат буолла.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *