Билсиҥ, “Аланнар” турнирга АХШ хамаандата

Бу нэдиэлэ бүтүүтэ, ахсынньы 8-9 күннэригэр Хотугу Осетия киин куоратыгар Владикавказка көҥүл тустууга “Аланнар” диэн норуоттар икки ардыларынааҕы турнир иккис төгүлүн ыытыллаар турар. Онно эрдэ эппиттэрин курдук, 15 дойду бөҕөстөрө кыттарга баҕалаахтарын биллэрбиттэр.

Билигин аҕай, АХШ хамаандатын салайааччыта Пол Кеблиһы кытта кэпсэтэн, хамаанда састаабын ыйыталастым. Пол куһаҕаннык да буоллар, нууччалыы олуттаҕастык кэпсэтэр. Кини Саха сиригэр хаста да хамаанданы салайан илдьэ кэлэ сылдьыбыта. Американецтар номнуо Владикавказка кэлбиттэр.

57 кг Франк Перелли (Frank Perrelli), 65 кг Брюс Мередит (Bryce Meredith), 70 кг Джеймс Грин (James Green), 70 кг Джош Киндиг (Josh Kindig), 70 кг Марио Мэсон (Mario Mason), 79 кг Натан Джексон (Nathan Jackson), 86 кг Пат Дойней (Pat Downey), 92 кг Хайден Зилмер (Hayden Zillmer), 125 кг Тони Нельсон (Tony Nelson).

Тренердэр: Джефф Бакстон (Jeff Buxton) уонна Риц Хэмфри (Reece Humphrey). Судьуйа: Клифф Рамос (Cliff Ramos). Хамаанда салайааччыта: Пол Кеблиш (Paul Kieblesz).

Састаабы көрдөххө, саамай улахан ааттаах-суоллаах бөҕөстөрө – АХШ сүүмэрдэммит хамаандатын 70 киилэҕэ бастакы нүөмэрдээх бөҕөһө, аан дойду чемпионатын призера Джеймс Грин буолар. Кинини тэҥэ Франк Перелли, Хайден Зилмер, Тони Нельсон балайда күүстээхтэринэн биллэллэр. Чопчу бу бөҕөстөр “Аланнар” турнирга миэстэлэһиэхтэрин сөп.

Санатан эттэххэ, “Аланнар” турнирга Саха сириттэн тоҕус бөҕөс кыттара күүтүллэр.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *