Биир дойдулаахпыт Эрхан Бысыин уоскуйар диэни билбэт 

Сэтинньи 28 күнүгэр кини Москватааҕы DAB Vertical Autumn Night түүҥҥү күрэхтэһиигэ кыттыыны ылла.  Күрэхтэһии Москва куорат «Кант» диэн хайалаах сиргэ хайыһардыыр  компексыгар ыытылынна. Барыта 70-ча спортсмен кыттыбыт. Кинилэр ортолоругар Россия спордун чэпчэки атлетикаҕа, хайыһарга, альпинизмҥа спортарын маастардара бааллар эбит. Маннык күүстээх састаапка Эрхан үһүс бириистээх миэстэни ылла.

Бу иннинэ Хотугу Осетия-Алания киин куоратыгар Владикавказка, альпинизм скайраннинг-вертикальный километр көрүҥэр чемпионат (дистанцията – 3,3 километр) Эрхан бастакы миэстэни ылбыта.

Скайраннинг диэн альпинизм биир көрүҥэ. Бу үрдүк хайалаах сиргэ уһун сүүрүү.

Бысыин Эрхан Федотович – Уус Алдан улууһун П.В. Аммосов аатынан Тулуна орто оскуолатын выпускнига. Спортивнай туризмҥа Россия спордун маастара, альпинизмҥа (скайраннинг көрүҥэр) маастарга кандидат, 2018 сылтан Россия сүүмэрдэммит хамаандатын чилиэнэ. Сибиирдээҕи автодорожнай академияны уонна Сибиир физическэй култуураҕа университетын ситиһиилээхтик үөрэнэн бүтэрбитэ.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *